Hora de ler

"Sí que te gusta leer"

2012-02-01T08:42:00.006Z

A Secretaría de Estado de Cultura (Ministerio de Educación, Cultura e Deporte), está a difundir na Rede unha campaña de lectura destinada a mozos e mozas de 14 a 18 anos, baixo o lema SÍ QUE TE GUSTA LEER (pero igual no lo sabes). Cunha presentación atractiva, a páxina da campaña ofrece xogos, enlaces interesantes e un concurso para os participantes. Parte da idea de que os que afirman que non lles gusta ler, aínda así están a ler todo o día nos seus "artefactos" favoritos e nas actividades cotiás. Son lectores aínda que non lean libros. E desde aí, trata de levalos á outro tipo de lecturas. De interese para bibliotecas escolares.

Imprescindible Juan Mata no congreso Familias lectoras

2012-01-27T10:11:00.004Z

Video streaming by UstreamOs días 21 e 22 de xaneiro, celebrouse en Granada o congreso Familias lectoras en red, organizado pola Consejería de Educación da Junta de Andalucía, en colaboración co Ministerio de Educación. Ao congreso asistiron fundamentalmente familias (pais, nais, avós lectores, nenas e nenos), e tamén profesorado procedente dos distintos recunchos de Andalucía.
A conferencia inaugural correu a cargo de Juan Mata, profesor da Universidade de Granada e unha referencia fundamental no ámbito da formación lectora e do fomento da lectura. A súa intervención é imprescindible para abordar cuestións de lectura e familia no centro escolar, para re-pensar a importancia da formación dos lectores. Recoméndase o seu visionado (a conferencia iníciase no minuto 3,30).

Lecturas pola Paz

2012-01-27T08:06:00.007Z

Unha das funcións da biblioteca escolar é a de seleccionar materiais para apoiar os programas e as actividades do conxunto do profesorado dun centro. O calendario civil proporciona tamén oportunidade para visibilizar libros, películas, discos, textos dixitais... sobre un contido determinado. O Día Escolar pola Paz e da Non Violencia é unha desas datas que o profesorado aproveita para avanzar na educación en valores do alumnado, e as bibliotecas escolares para dar a coñecer materiais axeitados para a formación nunha cultura de Paz.

As bibliotecas escolares galegas difunden bancos de recursos e unhas coidadas seleccións de libros ou películas para o tratamento destes contidos. Pódense ver algúns exemplos AQUÍ

Punto de lectura para nais e pais

2011-12-21T08:46:00.002Z

Procurar a complicidade das familias e a súa colaboración na formación dos lectores pódese facer de moitas maneiras. As bibliotecas escolares galegas van incorporando espazos específicos para pais e nais, ben no interior da biblioteca ou ben nalgún outro espazo próximo, gañando así para a lectura eses recunchos ás veces esquecidos.

No CPI de Panxón (Nigrán, Pontevedra) veñen de inaugurar este Punto de lectura para as familias, un espazo creado con moito gusto, con respecto e dignidade. A invitación non pode ser máis clara: "se ti les, eles len". Ademais, a información chega a todas as casas a través da Guía de lecturas Nadal 2011

Unha oportunidade para a formación dos lectores e das lectoras

2011-12-12T10:59:00.004Z

A presenza dunha feira do libro no entorno próximo ao centro educativo pode facilitar actividades de gran interese na mediación cos novos lectores .

Nos primeiros días de decembro, a cidade de Pontevedra acolleu a Feira das Industrias Culturais de Galicia, CULTURGAL, e o profesorado responsable da biblioteca do IES Sánchez Cantón, desta cidade, aproveitou para realizar unha experiencia de formación de lectores visitando a feira e participando en varias actividades, ao tempo que se entrevistaban con libreiros alí presentes. O alumnado participante foron os membros do club de lectura TINTA VIVA, que levaban un tempo preparando esta iniciativa.

No seu blogue podemos coñecer a experiencia de forma máis detallada.

10 decembro: Día dos Dereitos Humanos

2011-12-12T07:36:00.001Z

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

Lecturas compatidas no CEIP de Andrade

2011-12-07T12:00:00.004Z

No blog RAIOTECA, da biblioteca do CEIP de Andrade (Pontedeume, A Coruña), podemos coñecer unha experiencia de participación das familias en actividades de fomento da lectura e de formación dos novos lectores. "Lecturas compartidas" é unha fórmula moi probada xa en moitos centros escolares, e tal como nola contan aquí, pode ser vir para seguir animando a outros centros a poñela en práctica.

A implicación das familias é imprescindible, pero tamén hai que facilitala, vehiculizala, favorecela... creando espazos e tempos que a fagan posible.

Bibliotecas Escolares en Tránsito. Congreso en Compostela

2011-11-02T14:16:00.005Z

Congreso Bibliotecas Escolares en Tránsito. Santiago de Compostela 10, 11 e 12 de noviembre.

Organizan: Ministerio de Educación e Consellería de Educación da Xunta de Galicia. Nunha actividade asociada ao congreso, os Encontros Biblitoecas Escolares en Tránsito, para posibilitar a participación de profesorado galego da Rede de Bibliotecas Escolares de Galicia. En total, 500 asistentes que poñerán en común inquedanzas e reflexións en relación coa biblioteca escolar que está a definir as súas funcións e o papel que ten que xogar na escola do Século XXI.
Programa

Boa campaña publicitaria a favor da lectura

2011-10-10T09:41:00.002+01:00

Atopado en Biblioaponte, blogue da biblioteca escolar do IES de Ponteceso, e procedente de Litteratum.com

Cartaz de Bibliotecas Escolares de Galicia 2011-2012

2011-09-28T14:08:00.004+01:00

Emma Ríos, ilustradora galega do mundo da banda deseñada, interpreta o lema escollido para este curso 2011/2012: Biblioteca escolar, última xeración.
Este cartaz chegará aos centros nos primeiros días de outubro, co fin de difundir a biblioteca escolar entre os distintos sectores da comunidade educativa.
+ información sobre Emma Ríos en Banda Deseñada, o portal do Consello da Cultura Galega dedicado ao cómic galego e aos seus autores.

Vídeo resume da IV Xornada dos Clubs de Lectura

2011-09-02T13:21:00.003+01:00

IV Xornada dos Clubs de lectura. Xuño 2011 from Bibliotecas Escolares de Galicia on Vimeo.

"Ler e escoitar", visto desde un centro.

2011-07-22T07:59:00.006+01:00

Durante o primerio trimestre do curso 2010/2011 desenvolvéronse as distintas fases dun concurso de lectura en voz alta, Ler e escoitar, convocado pola Consellería de Educación e O.U., cunha participación máis que aceptable de centros educativos de todo o país (123), especialmente das poboacións máis pequenas. O acto final, no que se premiaron as lectoras e os lectores por cada modalidade e categoría, foi unha festa da lectura. No momento de avaliar o traballo do curso, unha biblioteca escolar, a do CEIP Xosé Mª Brea Segade, de Taragoña-Rianxo, realiza unha reflexión ben interesante. Desde a Asesoría de bibliotecas escolares, valórase moi positivamente que os centros adapten esta iniciativa ao seu contexto e aos seus intereses, pois era un dos obxectivos do concurso. Só un enfoque non competitivo e solidario dos mediadores permitirá que se entenda este tipo de certames coma unha oportunidade, e non coma unha mera competición onde un pon o cóbado para que o outro non chegue. Reproducimos esta valoración polo seu interese:

"Na fase que se realizou no centro participaron dezaseis alumnos e alumnas na modalidade individual e doce na modalidade de grupo. Todos eles foron gravados en vídeo, para o que contamos coa colaboración do equipos das TICs, e un xurado (formado polo director, a responsable de biblioteca e a especialista en Educación Física), que escolleu os nosos representantes para a fase autonómica. A implicación do alumnado participante foi total, viñeron á biblioteca nos recreos a escoller os seus textos libres e a ensaiar, e practicaron nas casas e nas aulas cos seus titores/as. Durante a semana das gravacións respirábase a emoción e os nervios nas clases de 5º e 6º, por iso foi tan difícil para o xurado tomar unha decisión. Valoramos aos que fixeron as mellores lecturas en voz alta pero era imposible non valorar tamén a aqueles que fixeron un esforzo enorme, se prepararon a conciencia e leron moi ben ou a aqueles que sendo moi bos lectores decidiron participar na modalidade na modalidade grupal para ler con amigos ou amigas que tiñan máis dificultades ou que non se atrevían a facelo sos. Todos recibiron un agasallo pola súa participación, pero o momento de dar o veredito do xurado foi para nós e para moitos un momento triste.

O equipo de biblioteca tivo dúbidas antes de participar sobre se o concursos era unha boa estratexia para motivar a lectura en voz alta; cremos que si; o noso alumnado demostróunolo, pero preferimos para o noos centro a realización de actividades non competitivas onde o importante sexa superarse a un/unha mesmo/a pero sen comaprarse cos demais e onde os mellores resultados sexan froito da cooperación entre todos e todas.”

Premio Sunshine Award 2011

2011-07-12T10:17:00.005+01:00

Este espazo web recibiu con satisfacción, hai uns días, a sorpresa de ser agasallado con este luminoso recoñecemento, por parte do blog Caderno da crítica, a quen llo agradecemos. Cumprindo co ritual deste tipo de "premios", propoñemos outros 12 blogs que, coma este, serven para difundir o libro e a lectura, desde a óptica da escola. Blogs que mantén un profesorado comprometido coa educación dos máis novos, e coa sociedade, con profesionalidade e moito tempo persoal dedicado á formación de persoas lectoras. Entre a marea de espazos web das bibliotecas escolares galegas, velaquí unha ducia de soños e de pequenas utopías:

Biblioteca. Milladoiro. Malpica. CEIP Milladoiro (Malpica, A Coruña)

Pasapáxina. CEIP José Cornide Saavedra (A Coruña)

O lar de frianciño. CEIP Frián-Teis (Vigo, Pontevedra)

Raioteca. CEIP de Andrade (Pontedeume, A Coruña)

O Recanto de Leo. CEIP A Lama (A Lama, Pontevedra)

Bibliomanía. IES de Sanxenxo (Sanxenxo, Pontevedra)

O Segrel do Penedo. IES de Fene (Fene, A Coruña)

Biblioiris. IES Luís Seoane (Pontevedra)

Biblioteca do CMUS de Lugo (Lugo)

Club de lectura O Balbordo (IES Río Cabe, Monforte, Lugo)

Nós tamén navegar. Club de lectura (IES Lagoa de Antela, Xinzo de Limia, Ourense)

Biblos Vivos. Club de Lectura (IES Pedras Rubias. Salceda de Caselas, Pontevedra)

Competencia lingüística e número de libros na casa

2011-07-07T10:58:00.002+01:00

Unha vez máis confírmase a relación entre o número de libros existentes no domicilio familiar e os resultados nas probas de comunicación lingüística. Desta vez, o gráfico corresponde ao estudo da "Evaluación General de Diagnóstico 2010, Educación Secundaria Obligatoria, 2º curso). Ver o informe completo: INFORME EGD 2010-ESO

Un verán de libros... e de música, e de cine...

2011-06-23T13:55:00.004+01:00

As bibliotecas escolares galegas están a piques de botar o peche por este curso (aínda quedan labores que facer... ) pero antes, continuando coa súa función de orientación e formación da competencia lectora, tiveron tempo para seleccionar lecturas para o verán: lecturas para as lectoras e os lectores de todas as idades, combinando o novo co clásico, recuperando textos imprescindibles, avanzando novidades que prometen... velaquí as recomendacións de libros, películas, discos e actividades que nos propoñen: UN VERÁN DE LIBROS

IV Xornada dos Clubs de lectura. Materiais

2011-06-12T22:06:00.005+01:00

O venres 10 de xuño celebrouse en Santiago de Compostela a IV Xornada dos Clubs de Lectura, coa asistencia de 205 profesoras e profesores que coordinaron durante o presente curso os clubs de lectura en centros de ensino secundario de toda Galicia. O 54% dos centros públicos que matriculan alumnado de ESO, bacharelato, formación profesional, idiomas ou ensinanzas artísticas, contan cun club de lectura, que pode albergar un ou varios grupos de lectura. Unha realidade que non se pode obviar cando se observa o fenómeno da lectura en Galicia.
Neste enlace pode accederse aos materiais e, nos vindeiros días, aos vídeos das diversas sesións.
+ información no blogue LER EN MANCOMÚN

Hora de ler.... e de escribir.

2011-05-27T08:19:00.005+01:00

No IES Vilalonga (Sanxenxo, Pontevedra), froito da colaboración entre a Biblioteca Escolar e mais o ENDL, realizouse un ano máis o certame literario, nesta ocasión baixo o lema ABRIL DOS LIBROS E MAIO DAS LETRAS, unha convocatoria que inclúe a creación literaria pero tamén os traballos de investigación. Aumenta paulatinamente o número de alumnas e alumnos participantes, chegando este ano aos 280. + información no blogue: A beira das palabras

IV Xornada dos Clubs de Lectura dos centros de ensino secundario de Galicia

2011-05-18T13:07:00.002+01:00

Un ano máis, reunirase en Santiago de Compostela o profesorado que coordina os clubs de lectura en centros de ensino secundario de Galicia, no que será a IV Xornada dos Clubs de Lectura, e no que participarán desta vez, 200 profesores e profesoras de toda Galicia. Esta xornada servirá para mellorar a formación e intercambiar experiencias, propostas e iniciativas de colaboración dun profesorado comprometido coa educación e coa formación do seu alumnado como lectores e como cidadáns.
Artigo relacionado.

Unha fórmula flexible para facer lectoras e lectores

2011-05-12T14:09:00.000+01:00

A idea de propiciar as lecturas compartidas pode adpatarse a múltiples contextos e a todo tipo de alumnado, e pode tamén responder a distintos obxectivos, aínda que sempre a finalidade última será que a experiencia lectora resulte tan grata que favoreza o vínculo entre o lector e a lectura.... Chéganos a crónica da experiencia levada a cabo no CEIP de Louro (Muros, A Coruña), que reproducimos en palabras da profesora responsable da biblioteca:

"Fixemos dous grupos: Infantil e 1º ciclo (aínda que algúns de 2º estaban no outro grupo); 2º e 3º ciclos (cos "engadidos" de 2º). Mediante sorteo fixemos parellas formadas por unha persoa de cada un dos grupos (a excepción de infantil de 3 e 4 anos, que ína dous ou tres xuntos co rapaz ou rapaza que lle tocara do outro grupo).

As lecturas preparáronnas previamente e, a diferencia doutros centros, polo que vin, é que os dous membros da parella lína o conto (non só os maiores aos pequenos). Calculamos un promedio de 10 minutos para cada lectura. Cando un dos compoñentes da parella terminadaba, tocáballe o truno ao outro.

A verdade é que era unha imaxe impresionante. A todo o profesorado lle encantou e tamén aos nenos e nenas. Impactounes o respecto que demostraba cara ao "padriño" ou "madriña" de turno, tanto se fora dos maiores como dos pequenos".

Compartir lecturas cos pequenos ten "miolo"

2011-05-06T08:15:00.008+01:00

As mozas e mozos do IES Poeta Díaz Castro (Guitiriz, Lugo) sumáronse este ano á pequena marea de lectores que andan a compartir historias e poesías cos máis pequenos. No seu blogue podemos acceder á crónica desta experiencia que, semella, resultou grata para todas e todos... a lectura de contos nos colexios de Guitiriz, Parga e A Castellana.
Compartindo Libros (I, II e III)

Nós queremos salientar un anaco da propia valoración que fan desde a biblioteca escolar, porque nos parece moi esclarecedora: a participación neste tipo de actividades, aínda que son gratas, non son un xogo, e conteñen unha grande potencialidade de aprendizaxe de todo tipo de competencias (lingüísticas, e outras):

"Cremos que o resultado da experiencia foi moi positivo para todos. Cada grupo tivo primeiro que organizarse, repartirse os textos, papeis, acordar momentos para ensaiar, realizar unha lectura en alto en grupo intentando transmitir a emoción ou chiste ou pena, do conto, vencer a vergoña e se enfrontar á unha lectura cun público esixente … volver ós colexios onde estudaron a primaria e ler moitas veces diante dos seu antigos mestres, dos seus veciños, etc. En fin quedamos bastante satisfeitos da experiencia e dispostos a repetir."

Libros con ciencia

2011-05-05T11:24:00.003+01:00

Unha proposta da biblioteca escolar do CEIP Graxal (Cambre, A Coruña): actividade voluntaria, no recreo, arredor de "libros con ciencia"... porque ler hoxe é ler todo tipo de textos en todo tipo de soportes con todo tipo de finalidades... e as bibliotecas escolares o están facendo posible.

Ver toda a información no blogue da biblioteca: Librolandia.be

Unha marea que se estende... + madriñas e padriños lectores

2011-05-03T08:37:00.009+01:00

Seguen chegando noticia de bibliotecas escolares galegas que botan a andar (ou repiten) esta iniciativa, e que aseguran resultados excelentes. Velaquí máis exemplos:

CEIP de Cervo (Cervo, Lugo). Día do Libro: madriñas e padriños.
CEP Xosé Mª Brea Segade (Taragoña-Rianxo, A Coruña). Celebración do Día do Libro Infantil (Interesantes os comentarios das nenas e dos nenos)
CEIP de Leirado (Salvaterra do Miño, Pontevedra): Lectura compartida
IES de Sanxenxo (Sanxenxo, Pontevedra): Apadriña a un lect@r (Neste caso as mozas e mozos do IES foronlle ler ás nenas e nenos dos colexios de Portonovo, A Florida e Magaláns)

+ lecturas compartidas....

2011-05-02T09:03:00.005+01:00

Que ben se le na herba!!! Velaquí outro exemplo de apadriñamento lector/amadriñamento lector, desta vez no CEIP Frián-Teis (Vigo, Pontevedra), tamén co gallo do Día do Libro.
+ información no blogue da biblioteca do centro: O lar de Frianciño.

Tamén nos chega noticia do CEIP O Ramo (Fene, A Coruña), do ben que o pasaron as nenas e os nenos do colexio, nunha actividade máis de amadriñamento/apadriñamento lector.

E como non hai dous sen tres, velaquí as fermosas imaxes da actividade Eu leo para ti, celebrada no CEIP Milladoiro (Malpica, A Coruña).

Outra forma de celebrar o Día do Libro

2011-05-02T07:49:00.002+01:00

No CEIP Eduardo Pondal (Vigo, Pontevedra) celebraron o Día do Libro cunha práctica de lectura xa bastante estendida nas bibliotecas escolares galegas: a lectura de contos por parte do alumnado maior aos máis pequenos do cole. Un exemplo de convivencia coa lectura como mediadora... un exemplo de fomento da lectura, como práctica socializadora. Parabéns a toda a comunidade educativa que fai esto posible!

Lecturas en abril en centros de ensino galegos.

2011-04-29T08:21:00.009+01:00

Lectura continuada de poesía, para facer vivir a Palabra, un 14 de abril, no IES Ribeira do Louro (O Porriño, Pontevedra).

Pola súa parte, os nenos e nenas do CPI Manuel Suárez Marquier (O Rosal, Pontevedra) marcharon con Ulises rumbo a Ítaca, nunha lectura continuada da Odisea para celebrar o Día do Libro. Velaquí a súa crónica desta viaxe: "Chegamos a Ítaca"

O lugar da lectura: Día Mundial do Libro

2011-04-13T11:39:00.007+01:00

Achégase paseniño o 23 de abril, Día Mundial do Libro e dos dereitos de Autor, en declaración da UNESCO. As bibliotecas escolares galegas celébrano reivindicando os espazos para a lectura, condición imprescindible para facilitar esta actividade, que precisa sosego, tempo, calma, libros e lectores activos.

"O lugar da lectura" é tamén un fermoso texto que o poeta Carlos Negro escribiu para as Bibliotecas Escolares de Galicia. Con este texto, e imaxes da Asesoría de Bibliotecas, vén de editarse un marcapáxinas especial co fin de celebrar este Día Mundial do Libro.

MARCAPÁXINAS

Memoria dun neno labrego

2011-04-04T10:05:00.006+01:00

Co gallo da celebración dos 50 anos da publicación de Memorias dun neno labrego, de Xosé Neira Vilas, son moitos os centros que están a programar actividades e facendo revivir a Balbino, o protagonista, coma neste caso, na voz dos propios lectores de hoxe. Alumnado e profesorado do IES Pino Manso (O Porriño, Pontevedra) está realizando lecturas deste texto, que gravan en vídeo nun proxecto de gran interese, poñéndolle voz e cara a un libro fundamental na historia e no presente da literatura infantil e xuvenil galega, na literatura galega sen cualificativos. No blog da biblioteca podemos acceder aos distintos capítulos. Pola súa parte, no CEIP Frian-Teis (Vigo, Pontevedra) aproveitaron o Día Internacional do Libro Infantil para dedicar a súa actividade a Memorias dun neno labrego e ao seu autor.

Abril, mes dos libros

2011-04-04T09:01:00.003+01:00

O mes de abril é un fervedoiro de actividade nas bibliotecas escolares galegas. A modo de exemplo, esta PROGRAMACIÓN PARA O MES DE ABRIL, do CEIP Quintela (Moaña, Pontevedra), onde o libro e a lectura son os auténticos protagonistas...

2 de abril, Día do Libro Infantil e Xuvenil

2011-03-31T15:36:00.003+01:00

Velaí chega abril, chamando á porta cos seus petos cargados de libros... moi moderno el, trae tamén libros electrónicos, non o vaian tachar de antigo... libros en fin, para nen@s e moz@s, pero de calidade... é iso o que lle pedimos a Abril sempre.... + información aquí

Lipdub sobre a biblioteca escolar e a CDU no IES Fontem Albei

2011-03-15T07:48:00.003Z

O Equipo de Biblioteca do IES Fontem Albei (A Fonsagrada, Lugo) vén de subir á Rede este magnífico lipdub no que participa toda a comunidade educativa, e que xorde como iniciativa gozosa de formación de usuarios da biblioteca. Como din os seus responsables, nada está posto ao azar.

"Dende o Equipo de Dinamización da Biblioteca Escolar non queríamos facer un lipdub por facer senón contar unha historia (aproveitando as novas tecnoloxías), a historia dun libro esquecido que tras percorrer boa parte do centro retorna ao seu lugar natural: a biblioteca. Aproveitamos a historia para, ademais de dar a coñecer o centro e potenciar a biblioteca,recordar a CDU mediante a asociación de de imaxes, números e cores, en definitiva, facer formación de usuarios. Nada do que aparece no vídeo está posto ao azar. Dende o título do mesmo "O final da conta atras" referíndonos ao tempo que lle resta ao libro ata chegar á Biblioteca como as distintas esceas. "

Parabéns mil a toda a comunidade educativa!!!

Profesorado e lectura

2011-02-15T08:35:00.005Z

Desde o curso 2009/2010 están a circular polos centros galegos unhas maletas viaxeiras que a Asesoría de Bibliotecas Escolares (Consellería de Educación) facilita en préstamo temporal, en colaboración cos Centros de Formación e Recursos. Unha destas maletas está dedicada á lectura. Contén publicacións de referencia no ámbito do fomento da lectura e da aprendizaxe de competencias avanzadas de lectura.
No blogue da Biblioteca do IES Pedro Floriani, de Redondela (Pontevedra) podemos ver como un centro educativo aproveita e enriquece esta iniciativa, con propostas dos diferentes departamentes, desde a súa convicción de que "toda profesora, todo profesor é profesor/a de lectura". A información sobre a actividade no centro, por mor da presenza da "maleta de lectura" é de gran interese.

"Ler e escoitar", en banda deseñada

2011-02-10T08:29:00.003Z

Velaquí a visión de Lucía Martínez, alumna do IES Sánchez Cantón (Pontevedra), sobre o proceso de participación no concurso de Lectura en voz alta, LER E ESCOITAR, no que varias compañeiras súas chegaron á fase final e mesmo unha delas, Clara, acadou o segundo premio na modalidade individual da súa categoría. Lucía emprega unha ferramenta dixital para a creación de banda deseñada, que están aprendendo a utilizar no seu centro, bitstripsforschools e que ao parecer, dá moi bos resultados.

Xogar e ler en Educación Infantil

2011-01-24T09:46:00.004Z

Un bo exemplo de como o alumnado de ensino infantil vai adquirido autonomía persoal na súa selección de lecturas, de como é quen de facer os seguemento das súas lecturas... O documento procede da Escola de Educación Infantil Barrionovo-Pastoriza, de A Coruña.

Ler matemáticas

2011-01-20T08:31:00.003Z

As bibliotecas escolares apoian ao profesorado de todas as áreas de aprendizaxe no seu labor de formar lectores competentes. Tamén cómpre aprender a ler e a escribir en matemáticas. Un bo exemplo é este da biblioteca do IES Alexandre Bóveda (Vigo, Pontevedra) que convoca, xunto co Departamento de Matemáticas e no contexto do Plan Anual de Lectura, o II Concurso Matemático, un certame de resolucións de problemas matemáticos de enunciados "longos", que cómpre ler con estratexia e atención. Xúntase este ano unha nova iniciativa: un concurso de relato matemático. Toda a información no blog da Biblioteca IES Alexandre Bóveda.

Miguel Hernández, unha experiencia de lectura compartida

2011-01-17T11:03:00.005Z

Nas bibliotecas escolares galegas pasan cousas coma estas. CPI O Progreso (Catoira, A Coruña): unha actividade de fomento da lectura da que son protagonistas os rapaces e rapazas de 4º Curso da ESO e as nenas e nenos de Infantil. Os grandes len a Miguel Hernández, os pequenos escoitan e debuxan... O que cada quen leva consigo desta experiencia ¿quen o contabiliza? Pero hai alguén que se atreva a dicir que "non pasa nada"???? Experiencia de lectura para outros, experiencia de atención que se dá e se recibe, intercambio de palabras, de imaxes e de afectos, vínculo... ou sexa... formación lectora. Parabéns ao profesorado implicado por esta iniciativa e a tod@s @s nen@s participantes.

O soldadiño de chumbo

2011-01-17T09:32:00.003Z

Velaquí unha adaptación do conto de Andersen aos novos formatos dixitais levada a cabo por Xabier Senín a partir da multipremiada curtametraxe animada feita por Continental Producciones e Algarabía Animación. Os deseños son de Alfonso Costa, a música de Emilio Aragón e as voces de Manuel Manquiña e Luis Piedrahita. A ambientación está feita no Museo do Xoguete de Allariz.

Resolta a convocatoria de Clubs de Lectura 2010/2011

2010-12-24T10:00:00.003Z

O Portal Educativo publicou o pasado 22 de decembro a Resolución da convocatoria de axudas para Clubs de Lectura en centros públicos de ensino secundario. Son xa 200 os centros galegos que contan este ano cun ou varios círculos de lectura, nos que participa de forma voluntaria alumnado e profesorado e, tamén, pais e nais e persoal non docente en varios casos. En conxunto, moven a máis de cinco mil persoas arredor dos libros e da cultura, ao longo do curso académico.

+ Información na páxina de Bibliotecas Escolares de Galicia

Sumando esforzos a prol da lectura

2010-12-23T09:17:00.003Z

Unha das vías de colaboración entre distintas bibliotecas (escolares e públicas) é a elaboración de materiais conxuntos destinados a promocionar os produtos culturais e fomentar a lectura nas comunidades educativas e nos concellos de referencia. Son varios os concellos nos que xa están sumando forzas os profesionais que traballan nestas bibliotecas, e como exemplo, velái van algúnhas guías de lecturas realizadas en colaboración para estas festas de Inverno:

As Bibliotecas Escolares galegas recomendan....

2010-12-20T10:39:00.003Z

Co fin de facilitar a escolla de libros, películas, discos... para estes días de inverno, as Bibliotecas Escolares galegas están a difundir as súas "guías de lectura" e listaxes de recomendacións, incluíndo novidades e, tamén, títulos que xa teñén algúns anos, pero son imprescindibles para a formación da competencia literaria dos rapaces e das rapazas.

Acceso ás "guías de lectura".

"Ler e escoitar", a lectura en voz alta con emoción

2010-12-19T00:58:00.003Z

Cando un grupo de nenas e nenos escollen un libro e deciden lelo en voz alta para os outros, e faise un silencio na sala, e eles médranse e len con corrección e a expresividade xusta... entón estamos asistindo a un pequeno milagro... e a unha festa. Porque foi unha festa da lectura a sesión final do I concurso de lectura en voz alta, LER E ESCOITAR, que tivo lugar o pasado 16 de decembro en Santiago de Compostela. Un total de 49 nenas e nenos de 3º ciclo de primaria e 1º ciclo de secundaria chegaron a esta fase final do concurso que pretendia poñer en valor a lectura expresiva, a lectura compartida. E abofé que iso se conseguiu: foran un total de 123 centros os que presentaran participantes á fase autonómica do concurso, logo de realizar unha selección en cada centro. Esta iniciativa, enmarcada no programa HORA DE LER, mobilizou a moitos nenos e nenas, que durante este primeiro trimeste escolleron lecturas, preparáronas e compartiron experiencia arredor dos libros e da lectura. O esforzo e a dedicación do profesorado fixo posible, unha vez máis, que unha idea chegara a materializarse: unha oportunidade máis para a construción desa sociedade lectora que desexamos.

"Libros no lixo"

2010-12-09T10:50:00.004Z

Xa deu a volta ao mundo esta fermosa historia, grazas a Elvira Lindo que nola contou tan ben hai uns días no xornal El País.... pero non quixemos deixala pasar, porque é unha historia de esperanza. Sucedeu en Bogotá, Colombia.

"Le llegó el turno a José Alberto y nos dejó mudos. Con palabras sencillas contó lo siguiente: un día, mientras hacía su recorrido habitual, vio que en el suelo alguien había dejado un ejemplar viejo de una novela de Tolstói. Se lo llevó a casa. Su señora, modista, se encargó de restaurarlo amorosamente, como quien zurce una prenda delicada. De pronto, a José Alberto se le pasó por la cabeza una idea disparatada que no dudó en poner en práctica: recogería todos los libros que encontrara a su paso. Sus colegas barrenderos le sirvieron de cómplices. Le gritaban, "¡José, libros!", y se los colocaban en el asiento de al lado. De esta manera, el camionero José ha recogido más de doce millones de volúmenes, volúmenes que han pasado por las manos primorosas de su señora para ser ordenados en la biblioteca en perfecto estado. En un primer momento, colocaron los libros en la planta de abajo de su casa. Allí empezaron a acudir mujeres y niños de ese barrio pobre en el que vive José. Más tarde, cuando ya los libros no cabían, el camionero consiguió tres locales más. A estas alturas tiene montadas tres bibliotecas."

I concurso de lectura en voz alta, "Ler e escoitar"

2010-12-04T09:59:00.004Z

Importante acollida nos centros educativos galegos desta nova iniciativa de estímulo á lectura, encadrada no programa HORA DE LER, para o fomento da lectura en contexto escolar, da Consellería de Educación. Un total de 123 centros presentaron aos seus alumnos e alumnas á fase autonómica do concurso, a maioría deles na dúas modalidades previstas, individual e de grupo. Emocionante ver a tantos nenos e nenas preparando os seus textos, botando a voar tanta palabra fermosa polos ceos galegos. Xa se fixo pública a listaxe de lectoras e lectores finalistas que participarán nun acto de exaltación da lectura en voz alta, o vindeiro 16 de decembro, onde se decidirán os premios deste concurso. Parabéns a todas as lectoras, a todos os lectores que participaron nesta convocatoria dentro dos seus centros.

Máis información, na páxina das Bibliotecas Escolares de Galicia

Variacións sobre a lectura

2010-10-28T23:07:00.003+01:00

Baixo este lema, "Variacións sobre a lectura", celebraranse en Santiago de Compostela, os días 29 e 30 de outubro, os III ENCONTROS DE BIBLIOTECAS ESCOLARES DE GALICIA. +información e páxina de seguemento.

Agárdase a participación de preto de 1.200 profesores e profesoras de toda Galicia, todos eles en activo en centros públicos dos distintos niveis educativos non universitarios.

Os dereitos do lector, e da lectora

2010-10-04T17:11:00.002+01:00

Na biblioteca escolar do CEIP de Vilarmide (Muxía, A Coruña), encargáronlle aos Bolechas que lle lembrasen ás nenas e aos nenos da escolar os "dereitos do lector" que hai tempo fixera público Daniel Pennac no seu libro "Como unha novela", tan querido para as persoas mediadoras nesto da lectura. E os Bolechas están felices alí, ben se lles nota...

I Concurso de Lectura en voz alta: LER E ESCOITAR

2010-09-22T09:08:00.005+01:00

A Consellería de Educación convoca o I Concurso de Lectura en voz alta, LER E ESCOITAR, dirixido a rapaces e rapazas de 3º Ciclo de Primaria e 1º Ciclo da ESO. Máis información, na páxina de Bibliotecas Escolares de Galicia.

Apadriñamentos lectores

2010-09-20T13:25:00.004+01:00

O pasado curso 2009/2010 irrumpiu con forza nos centros da Rede de bibliotecas escolares galegas unha actividade que se viña facendo xa de forma moi puntual nalgunha biblioteca. Os bos resultados obtidos levan aos centros a programar actividades semellantes para o presente curso. Son os "apadriñamentos lectores". Un mínimo de 17 centros (en Cervo, Malpica, Pontedeume ou Lugo; de Celanova a Fene, de Aguiño a Moaña, de Vigo a Pontecarreira, de Salvaterra de Miño a Pobra de Brollón...), impulsaron o intercambio entre alumnado de distintas idades, dentro do propio centro ou entre o alumnado dos institutos e o dos centros próximos. A fórmula básica consiste en que un rapaz ou unha rapaza acompaña na lectura a outro ou outra de menor idade, léndolle, contándolle ou xestionando a lectura conxunta dun libro, nun tempo e nun lugar específico organizado pola biblioteca: no patio, na aula, na biblioteca; no recreo, nunha festa especial polo día do Libro ou nun tempo marcado no horario semanal. Tamén poden os pequenos lectores lerlles aos grandes, o que engadirá unha motivación extra ao feito da lectura.

Así nolo conta a responsable da biblioteca do CPI de Pontecarreira (Frades, A Coruña): "No CPI de Pontecarreira alumnos de secundaria foron ler durante o proxecto lector aos de primaria e infantil, tres días (por ciclos) e á semana seguinte foron os de primaria os que "subiron" ler aos maiores. Quedaron tan contentos que querían repetir cada semana. Este ano volveremos repetir a experiencia."

Estoutro é o que contan no CEIP Antonio Carpintero (Arbo, Pontevedra): "No CEIP Antonio Vázquez, o Día do Lbro, os maiores apadriñaron aos máis pequenos do colexio, aos pequenos da Escola Infantil, e tamén aos maiores da residencia "a Solaina". A experiencia foi estupenda."

No blog do IES de Sanxenxo (Sanxenxo, Pontevedra), podemos ver tamén as imaxes desta actividade: "Foi unha experiencia que puxemos en marcha este ano por vez primeira entre o noso alumnado, que se anotou voluntariamente, e os nen@s de infantil de Dorrón. Sen lugar a dúbidas, para seguir traballando nesta liña e consolidando esta actividade nos vindeiros anos".

No blog do CEIP Fermín Bouza Brey, de Ponteareas podemos coñecer a experiencia do Club de lectura e algúns outros rapaces e rapazas de 6º, que visitaron o Centro de Día da Terceira Idade, para compartir cos maiores un tempo de lectura.

Lectura Lab, novo recurso

2010-09-09T19:19:00.003+01:00

A Fundación Germán Sánchez Ruipérez botou a andar, hai uns meses, o seu "laboratorio de la lectura", baixo o título LECTURA LAB. Celebramos este novo espazo de encontro entre as persoas que traballan a prol dunha maior e mellor competencia lectora de toda a xente, empezando polos pequenos: noticias, materiais, enlaces, recursos, cursos, conferencias... unha fonte de información e de formación.

TRIPTICO DE RECOMENDACIÓNS a tres mans

2010-07-19T12:20:00.004+01:00

Á hora de recapitular o traballo realizado durante o curso que vén de rematar, un dos centros participantes nesta experiencia de colaboración interbibliotecaria realiza esta valoración na súa memoria:

"Por primeira vez neste Nadal elaboramos un tríptico conxunto de recomendación de lecturas tres dos catro centros de Infantil e Primaria do Concello de Rianxo. Foi unha experiencia de colaboración moi gratificante que nos permitiu afondar no coñecemento das nosas bibliotecas, dos hábitos lectores do noso alumnado, da organización dos equipos de biblioteca e das nosas inquedanzas e prioridades. Pensamos que é moi enriquecedor fomentar e establecer vías de comunicación e colaboración entre bibliotecas que traballamos na mesma zona e cuns usuarios/as de características similares. Non sempre é doado atopar o tempo e as actividades que o permitan, pero cremos que debemos continuar apostando pola colaboración entre bibliotecas veciñas."

Aproveitamos para lembrar as recomendacións -conxuntas e para todos os públicos- dos centros educativos e da biblioteca municipal de Cambre.

Valoracións da "Hora de ler" nun IES

2010-07-12T14:28:00.005+01:00

Son xa moitos os centros de ensino secundario que están a buscar fórmulas organizativas para botar a andar a "Hora de ler", ese momento que algúns consideran máxico, no que todo o mundo le e o tempo se para... e pasan cousas bonitas. Da memoria dun IES do Plan de mellora de bibliotecas escolares da provincia de Pontevedra extractamos o seguinte:

"Obxectivo. fomentar a lecto-escritura para desenvolver as competencias comunicativas do noso alumnado:

Cremos que neste aspecto tamén demos algúns pasos adiante como mostran os gráficos que acompañan a esta memoria, pero a nosa impresión está reforzada pola opinión, expresada diante dos órganos colexiados do centro, de moitos compañeir@s que utilizaron as fichas de lectura pero tamén a observación diaria na clase e afirma que notan unha considerable mellora do seu alumnado segundo ía transocrrendo o curso. Pensamos que nese aspecto foi moi importante conseguir introducir a Hora de Ler sobre todo porque supuxo que eran os propios alumn@s os que decidían que ler. Certo que non foi sinxelo. Tod@s sabemos que aínda hai xente que pensa que "a lección maxistral" é a esencia do ensino e que sen a súa "ciencia" e sapiencia o alumnado vai ser analfabeto de por vida; tamén sabemos que hai quen está obsesionado co cumprimento das programacións e quen pensa que os rapaces e as rapazas "non van aproveitar un tempo dedicado á lectura porque nin saben ler nin lles interesa", porén temos a enorme satisfacción de poder dicir que moitas das persoas que manifestaron a súa oposición ou expuxeron as súas recticencias, remataron felicitándonos pola iniciativa -aínda que deixaramos claro que non era nosa-- asombradas polo interese que puxo a maioría do alumnado, polo silencio que se peercibía nos corredores á Hora de Ler e mesmo porque notaba un cambio moi positivo na actitude do alumnado cara á lectura."

"Put books in your head" e baila...

2010-07-03T11:52:00.003+01:00

Porque animar a ler, fomentar a lectura, se pode facer de moitas formas... pero sobre todo, con ganas, con entusiasmo, con sentido do humor e con alegría... Un bo exemplo que lle agradecemos a No solo libros, que o rastreou na Rede.

Conservatorios de Música e lectura

2010-06-15T08:20:00.004+01:00

Cando se fala de bibliotecas nos centros de ensinanzas artísticas coma os conservatorios, ás veces cáese nun preconcepto limitado e antigo: ese lugar no que se gardan as partituras e (nun nivel avanzado), onde se poden facer audicións de materiais grabados. Pero hai bibliotecas de conservatorios de música en Galicia que están dándolle a volta a isto, e demostrando que poden ser outra cousa, que poden ser bibliotecas escolares especializadas, adaptando o modelo xeral de centro de recursos de lectura, información e aprendizaxe, ao seu contexto e resultaren útiles e eficaces. Velaquí dous exemplos ben elocuentes:

A biblioteca do CMUS de Lugo, con múltiples actividades destinadas a apoiar o tratamento dos contidos das diversas ensinanzas que se dan no centro, e tamén, a fomentar a lectura. Unha biblioteca que se autodefine como "lugar de aprendizaxe permanente, de información, opinión, entretemento e lecer. Un espazo de encontro de toda a comunidade educativa."
A biblioteca do CMUS de Vigo, que alberga un club de lectura: EN CLAVE DE LETRAS, que define así a súa finalidade: "O club pretende promover e incentivar a lectura en xeral facendo que cada membro do grupo exprese a súa opinión nun ambiente de respecto e liberdade"

Hora de ler

2010-06-14T15:47:00.005+01:00

Hora de ler é o lema do programa para o fomento da lectura en centros de ensino que a Consellería de Educación botara a andar a comezos de 2006, e que dá nome a este blogue. Pero é tamén o lema escollido por moitos centros de ensino de Galicia para referirse a ese tempo dedicado á lectura en aulas, que se vai extendendo por centros de infantil e primaria, pero tamén en institutos, onde o profesorado pon a imaxinación a andar para facer fronte a dificultades organizativas e outras resistencias. Velaquí dúas iniciativas que exemplifican o moito traballo que a prol da lectura se está a facer nos centros de ensino, nesta "hora de ler":

UN MINUTO DE PUBLICIDADE E UNHA HORA DE LER, do IES Castro de Baronceli (Verín, Ourense), cun vídeo feito polo alumnado de Atención Educativa de 2ºde ESO-A.
Avaliación da "Hora de ler" no IES Pino Manso (O Porriño, Pontevedra).

As bibliotecas escolares recomendan....

2010-06-10T07:50:00.006+01:00

Vai achegándose a fin do curso e as Bibliotecas Escolares comezan a publicar as súas recomendacións de lectura para o verán. Pódese ver nelas moita novidade pero tamén algúns textos espléndidos (deses que fan lectores), recuperados con acerto. Desde a Asesoría de bibliotecas escolares iránse subindo todas as guías, segundo nos vaian chegando, nesta entrada.

"Mesa de intercambio"

2010-05-21T10:24:00.005+01:00

O Club de lectura "As Campaíñas", do CPI Aurelio M. Rey García, de Cuntis (Pontevedra) montaron no vestíbulo do centro unha "mesa de intercambio" de libros, revistas, películas, discos... O fermoso cartel que publicita esta actividade foi realizado polo alumnado de 1º de ESO baixo a dirección da profesora de Plástica, Hortensia. Trátase dunha actividade motivadora que axuda a que "rulen" os libros e os recursos culturais, e a crear ambientes lectores nos centros educativos.

Ler a Novoneyra

2010-05-10T12:24:00.004+01:00

Bailan libres os poemas de Novoneyra sobre os muros en escolas e institutos de todo o País. As bibliotecas escolares galegas son espazos de imaxinación e Casas da Palabra que, nestes días, se enchen dos versos e das voces da xente nova. Velaquí un exemplo de toda a actividade lectora que, a partir da figura de Uxío Novoneyra, autor do Día das Letras Galegas 2010, se está a vivir nos centros educativos galegos.

Tratamento da información e competencia dixital

2010-05-04T22:12:00.004+01:00

O poder da imaxe... todo un discurso sobre a necesidade de implicar ás familias na educación dos nenos e nenas como usuarios da información. A publicidade lévanos anos de vantaxe á hora de comunicar...

Os mozos non len poesía...

2010-05-04T15:40:00.003+01:00

Ese é un dos tópicos máis comúns cando se fala de lectura e de xente nova... tópico que se esnaquiza cando se bota unha ollada ás bibliotecas escolares galegas, nas que a poesía está presente un día si e outro tamén. Velaquí un poeta, Carlos Negro e velaquí os mozos e mozas do club de lectura A árbore vermella, do IES Xesús Taboada Chivite, de Verín (Ourense). Un encontro grato coa poesía, mediadores sensibles e eficaces, bos libros e tempo para disfrutalos. Espazos e tempos para a lectura, tamén de poesía, nos centros educativos. Convidamos a ver a crónica deste encontro: Visitounos Carlos Negro.

Día do Libro nas bibliotecas escolares galegas

2010-04-23T10:25:00.007+01:00

Son moitas as experiencias de interese que se están a levar a cabo nas Bibliotecas Escolares de Galicia co gallo do Día do Libro. Non podemos referenciar todas, pero unha visita aos blogs destas bibliotecas (Primaria ou Secundaria) pode servir para coñecer a intensa actividade lectora que se leva a cabo nos centros. Hoxe chéganos noticia dunha delas que, pola súa emotividade e pola súa potencialidade, queremos destacar. As palabras de Bea, a responsable da Biblioteca do CEIP Fermín Bouza Brey, de Ponteareas (Pontevedra), son ben clarificadoras:

"Onte pola tarde visitamos co CLUB DE LECTURA o Centro de Día da Terceira Idade para compartir con eles un tempo de lectura. Foron momentos moi entrañables cos seus aplausos, comentarios e palabras e incluso cos seus silencios. Cando rematamos coas lecturas eles tamén quixeron deleitarnos con algúns poemas e contos. Preparáronnos unha tarda de chocolate durante a mañán e entre bocado e bocado falamos con algúns deles sobre os seus netos e incluso os que non tiñan sentíronse por un día avós.

Pedíronnos que voltáramos a visitalos e nós invitámolos a ir ao noso cole.

Hoxe que tivemos xuntanza do Club de Lectura aproveitamos para valorar a actividade e pódovos dicir que todos os comentarios foron positivos, é como se medraran un pouco máis por dentro. (...) Penso que foi unha boa maneira de celebrar o día do libro."

PREMIO DA AELG

2010-04-22T09:12:00.003+01:00

O pasado sábado a Asociacin de Escritores en Lingua Galega fixo entrega dos seus premios. Nesta modalidade estes eran os finalistas...
Literatura Infanto-xuvenil (AELG-Gálix)
1. Ás de bolboreta, de Rosa Aneiros
2. Lúa do Senegal, de Agustín Fernández Paz
3. O Brindo de Ouro II. A táboa da Hospitalidade, de Xesús Manuel Marcos
4. Valados, de Agustín Fernández Paz
E ... resultou ganador
LÚA DO SENEGAL de Agustín Fernández Paz
De XornalGalicia.com tomamos o seguinte fragmento:
"(...) Lúa do Senegal, a primeira novela que Agustín Fernández Paz publica tras a obtención do Premio Nacional de Literatura Infantil, aborda o tema da emigración, ese drama que supón abandonar o propio país e marchar a outro para poder traballar e vivir con dignidade. E para falar do desarraigamento e do conflito emocional que supón ter que comezar desde cero nun lugar do que nada se coñece, Fernández Paz decidiu facelo a través dunha nena que conta en primeira persoa as dificultades que atopa e a súa loita por entender o que para ela é un novo mundo. Mais Khoedi é unha contadora de historias. Foi a súa avoa a persoa que lle aprendeu esa arte, ese gusto por inventar historias e contalas en voz alta.
Lúa do Senegal foi ilustrado por Marina Seoane quen conseguiu adentrarse na alma da prota-gonista, poñerlle rostro ao resto dos protagonistas e reflectir as paisaxes de dous mundos tan diferentes.(...)"

Día Mundial do Libro 2010 - I

2010-04-19T12:47:00.006+01:00

Ilust. Miguelanxo Prado: "Biblioteca escolar, espazo de lecturas"

Co gallo da celebración do Día Mundial do Libro 2010, Ano do Libro e da Lectura de Galicia, a Consellería de Educación e Ordenación Universitaria difunde o texto que Juan Mata escribiu como agasallo para a Rede de bibliotecas escolares de Galicia e para conmemorar este día.

O autor repara na función dos lectores como axentes que poden contaxiar as ganas de ler, pero aposta por unha actitude honesta e humilde: "Sempre preferirei a discreción do exemplo á barafunda dos discursos. Se me presento ante un grupo de nenos limítome a abrir un álbum ilustrado e lelo con delicadeza e fervor, se estou en fronte de adolescentes non lles falo nin como un colega nin como un académico senón como alguén que coa súa idade descubriu nos libros o que a vida lle ocultaba..."

O texto completo pódese ler aquí.

Máis información, aquí

2 de abril: Día Internacional do Libro Infantil

2010-03-29T12:32:00.006+01:00

Xa podemos acceder ao cartel conmemorativo do Día Internacional do Libro Infantil que, como todos os anos, publica a IBBY (International board on Books for Young People). Nesta ocasión os autores da ilustración e do texto son os españois Noemí Villamuza e Eliacer Cansino.

A mensaxe, distribuída por OEPLI, está dispoñible nos catro idiomas do estado español; tamén en inglés.

O 2 de abril, data na que se conmemora o nacemento do escritor danés Hans Christian Andersen, é boa ocasión para lembrar que hai sempre un libro agardando por nós... e os mediadores temos a oportunidade de axudar aos máis novos a navegar entre mares de publicacións de moi desigual calidade, aprenderlles a facer seleccións persoais, con criterio, curiosidade e valentía, para non camiñar polos vieiros marcados pola industria cultural unicamente.

"Ler devía ser proivido"

2010-03-28T19:18:00.003+01:00

Abofé que si... (vía Casa das letras)

Poesía nas bibliotecas... que falta fai...

2010-03-18T08:34:00.003Z

A Palabra poética está presente sempre nas Bibliotecas Escolares galegas, pero estes días de marzo xoga nos beizos da rapazada e anda libre polos recunchos todos... palabra recitada, palabra cantada, palabra "rapeada", dita ás agachadas, bisbada... debuxada, pintada, fotografada... pero Palabra, en fin, a espertar conciencias e sensibilidades.

E por textos poéticos, que non sexa: velaquí unha selección realizada por REDE LECTURA, entre o máis interesante dos poemarios de literatura infantil e xuvenil publicados nos últimos anos.

Madriñas e padriños de lectura

2010-03-16T10:28:00.004Z

Chegan a un tempo noticias de diferentes centros nos que se botan a andar actividades de lectura compartida, ben interesantes. Os resultados??? Algúns vense no momento... outros veranse co tempo. Pero é xa unha experiencia de convivencia arredor dos libros cun compoñente afectivo importante que, como se sabe, é un dos requisitos para as actividades que vinculan aos lectores coa actividade da lectura.

A fórmula é ben sinxela: poñer en contacto a alumnos e alumnas "maiores" con outros máis pequenos, formalizar o "apadriñamento", e dispoñer de espazos e tempos para o acto de ler. Hai xa rapaces de instituto que lles van ler aos máis pequenos no colexio próximo. A organización do profesorado con vontade de educar. O vindeiro mes de abril pode favorecer iniciativas deste tipo, pero días ten o ano nos que botalas a andar.... parabéns a todos os centros galegos que se lanzan á aventura... tras deles virán outros...

Algúns institutos que andan a organizar actividades deste tipo: IES de Sanxenxo, IES de Fene

Educando lectores... de manga

2010-03-01T11:43:00.005Z

A biblioteca escolar do IES FONTEXERÍA, de Muros (A Coruña) manterá aberta, durante todo o mes de marzo, unha exposición sobre un tipo de cómic ben presente nas preferencias dos lectores xoves, o manga. Así nos explica a actividade prevista o responsable desta biblioteca:

"O vindeiro xoves día 4 inauguramos unha exposición sobre o manga que estará aberta durante todo este mes. Este xoves dous rapaces coñecedores e lectores deste tipo de comic explicarannos os porqués da súa afición a este xénero, ademais de amosarnos parte do material que consumen. O resto dos días haberá sempre unha mesa na Biblioteca con exemplares de manga en diversos idiomas, incluíndo o primeiro manga publicado en galego. Ademais, expoñeranse 6 paneis con información introductoria ó manga, e durante os recreos as proxeccións temáticas ilustrarán estes mesmos contidos".

Mulleres e lectura na Historia da Arte

2010-02-25T07:51:00.004Z

Grazas ao blogue da Biblioteca do Chouzo (CEIP Emilia Pardo Bazán, de Vigo), coñecemos esta excelente recompilación dunha bibliotecaria colombiana, Diana Echeverri. Definitivamente, algo está a pasar en Medellín...

Lecturas, Mujeres, Historia y Arte

View more presentations from Diana Echeverri.

Hábitos de lectura 2009

2010-02-11T08:36:00.005Z

A Federación de Gremios de Editores de España vén de publicar o Informe de hábitos de lectura y compra de libros en 2009, un barómetro que mide os hábitos da poboación maior de 14 anos en relación cos libros e a lectura. Desde hai tres anos, este barómetro presta tamén atención á lectura entre a poboación máis nova, entre 10 e 13 anos. Cómprenos unha lectura detallada deste informe se queremos traballar por obxectivos, sabendo de onde partimos e qué aspectos deberíamos ter en conta como mediadores na formación dos novos lectores e lectoras. Algúns datos para a reflexión:

Os lectores frecuentes, entre a poboación maior de 14 anos son o 41,3% (len todos ou case todos os días, ou unha ou dúas veces por semana).
Os lectores frecuentes, entre 10 e 13 anos, son o 77,1%
O 55% da poboación maior de 14 anos declárase lectora (lectores frecuentes + lectores ocasionais, que len un libro ao mes ou ao trimestre)
Entre os rapaces e rapazas de 10/13 anos, a porcentaxe de lectores, sumando frecuentes e ocasionais, sube ao 91,2%
O 78,4% dos nenos lectores asegura que seus pais lles len na casa, e o 88% que lles mercaron ou agasallaron con libros no último ano.
O 97,2% dos nenos lectores afirmar que os seus profesores os animan a ler, e o 93,2% asegura que nos seus colexios se realizan actividades arredor da lectura e o libro, participando nelas o 94,1%.
Galicia sube 2,3 puntos con respecto ao ano 2008, na porcentaxe de poboación lectora (+ 14 anos), quedando no 54,9%, sendo o 39, 9% os lectores frecuentes.
En Galicia, o 45,1% dos maiores de 14 anos non le.
A lectura en galego representa o 0,5% do total. En Galicia, o 7,4% dos lectores le en galego de forma cotiá.

Novamente, chama a atención tamén, e debera levarnos á reflexión sobre as nosas prácticas de selección e visibilización de segundo qué libros, a relación de libros máis lidos, entre a poboación infantil e entre a poboación adulta. ¿Para esta viaxe, tantas alforxas????

2010, Ano do Libro e da Lectura en Galicia

2010-01-19T11:19:00.004Z

Iníciase un ano especial para o mundo da lectura, para axentes, mediadores e lectores: o Ano do Libro e a Lectura en Galicia, proclamado así pola Xunta de Galicia.

A Consellería de Educación e Ordenación Universitaria continúa as súas accións, encadradas no programa HORA DE LER, para o fomento da lectura en centros de ensino.

Máis información, aquí

Algunhas voces comezan xa a unirse a este Ano da lectura, como o escritor Xosé Neira Vilas

Clubs de Lectura 2009/2010

2010-01-19T10:53:00.006Z

Onte publicábase no Portal Educativo da Consellería de Educación a Resolución da Dirección Xeral de Centros e Recursos Humanos pola que se adxudican axudas para o funcionamento de clubs de lectura en centros públicos de ensino secundario de Galicia, para o curso 2009/2010. Son, en total, 177 os clubs de lectura que reciben apoio a través desta iniciativa, encadrada no programa HORA DE LER, para o fomento da lectura en centros de ensino, o que representa un total do 48% do conxunto dos centros públicos de ESO, bacharelato, formación profesional e ensinanzas de réxime especial, de Galicia.

Máis información, no portal de Bibliotecas Escolares de Galicia.

Lecturas para o inverno

2009-12-21T14:41:00.003Z

As bibliotecas escolares recomendan libros para estes tempos de Nadal. O profesorado responsable das bibliotecas, ás veces en colaboración co alumnado e mesmo con nais que colaboran co equipo de apoio, pon a disposición da comunidade educativa estas GUÍAS DE LECTURA para orientar ás familias, e a rapaces e rapazas, na selección de textos de interese, de cara ás adquisicións de agasallos nestes días e pensando en aproveitar este tempo de vacacións para facer novas lecturas.

PREMIO LAZARILLO PARA A LITERATURA GALEGA

2009-12-15T12:09:00.006Z

Marcos S. Calveiro acaba de recibir o premio Lazarillo de literatura infantil por O sombreiro de malvas que se publicará proximamente en galego e en castelán.
Este galardón que é o máis antigo na literatura española para a infancia e que acostuma nomearse como o Cervantes dos libros destinados aos pequenos, é convocado pola OEPLI (Organización Española para el Libro Infantil), e ven amosar o bo estado da nosa literatura que aínda o pasado ano conseguiu o Nacional co libro O único que queda é o amor de Agustín Fernández Paz. Unha literatura, a nosa, “normalizada” e que normaliza a cultura do país.
Antes que Calveiro recibiron este premio An Alfaya no 2005, Xosé Antonio Neira Cruz no 2004, Ana Mª Fernández no 2001, Gloria Sánchez no 2000, Marilar Aleixandre no 1999, Agustín Fernández Paz en 1990, e tanto Concha Blanco como Antón Cortizas contan con accésits. Debemos ter en conta que se trata dun premio ao que se accede desde os idiomas propios de cada unha das comunidades lingüísticas.
O escritor galego é autor de libros para adultos como Festina lente e das obras de literatura infantil e xuvenil como a marabillosa Rinocerontes e quimeras; Sari, soñador de mares; dos premios Barco de Vapor con O canto dos peixes ou o Ala Delta por O carteiro de Bagdad.

Unha visita ao seu blogue sempre é unha boa opción, igual que lembrar o que acerca dos seus libros se contaba en Rede lectura.

Libros dixitais, ¿onde atopalos?

2009-12-03T18:09:00.005Z

O Portal cultural Dosdoce e o seu blogue, Comunicación Cultural, son fonte imprescindible de información sobre cultura dixital... sobre cultura e lectura. Unha das súas últimas achegas en relación cos libros dixitais é esta relación de sitios web nos que poder descargar gratuitamente libros electrónicos, eses e-books que están chamando á porta de forma poderosa... Agradecemos unha vez máis a Javier Celaya , e a todo o seu equipo, estes recursos que son tan importantes para os mediadores no ámbito da lectura.

Lectoras e lectores nos centros galegos

2009-12-01T09:10:00.010Z

Que as rapazas e os rapaces galegos len, e len moito... sabémolo os docentes que traballamos con eles e para eles, pola súa formación lectora. As bibliotecas escolares galegas son fervedoiros de lectores ávidos... cando están vivas.... e hai moita vida polo país adiante. O diario La Voz de Galicia fíxose eco desta realidade na súa edición do pasado 29 de novembro:

Sobre o fomento da lectura nas bibliotecas escolares

Sobre os clubs de lectura

Sobre a Hora de ler

Sobre as mochilas viaxeiras

José María Merino, X Premio xornalístico de lectura da FGSR

2009-11-23T07:39:00.003Z

Recentemente, a Fundación Germán Sánchez Ruipérez facía publico o ganador do X Premio xornalístico de lectura que correspondeu nesta ocasión ao escritor José Mará Merino, polo seu artigo "El territorio de lo que somos", publicado no diario ABC en decembro de 2008.

"Muchos creen, todavía en la falacia aristotélica, que sólo en la Historia está el archivo seguro de nuestras circunstancias, pero el más certero registro de lo que caracteriza a la especie humana, donde verdaderamente se encuentra la historia de nuestro corazón a lo largo de los milenios, es en la literatura, constituida desde la capacidad simbólica que nos identifica. Leer nos da acceso al gran espacio de la imaginación reveladora: el país de lo que somos, el territorio de lo que sentimos."

De lectura e de lectores

2009-11-20T13:59:00.004Z

Entre os correos recibidos na Asesoría de bibliotecas escolares, logo das Xornadas de Bibliotecas Escolares de Galicia - 2009, comentamos a mensaxe enviada polo profesor Carlos J. González, que ensina Filosofía nun instituto da cidade de A Coruña, e que resulta de gran interese. Cando se quere, pódese, en temas de fomento da lectura e na formación dos lectores e lectoras. Velaquí as súas propias palabras:

En las Jornadas de Bibliotecas de este fin de semana escuché con interés a la profesora de Rábade su exposición sobre la hora de leer en secundaria. Soy profesor en el IES Salvador de Madariaga de Coruña y comentaba con mis colegas la dificultad casi insalvable de llevar esta práctica al bachillerato. Como en el coloquio no hubo tiempo os comento la iniciativa que sí estamos llevando a cabo en mi centro desde el pasado curso 2008-09 en la hora semanal de Atención Educativa a los alumnos que no escogen religión (es cierto que no son todos pero sí muchos). Personalmente me encargé de los cuatro grupos de 1º de bachiller y de uno de 2º de ESO. Dediqué la hora a la lectura por placer: Leían el libro que tenían en préstamo de la bilbioteca o bien un libro que traían de casa o les había aconsejado/prestado un amigo, etc. Sólo leían libros, no revistas, periódicos, etc. Leían ellos y leía yo (hay que predicar con el ejemplo; yo no puedo estar haciendo mis cosas, preparando mis clases, etc). Las dos primeras semanas intentó ser lectura silenciosa, pero no era posible pues al estar leyendo en silencio se oía al profesor del aula contiguo o el barullo del pasillo... por eso opté por poner distintas obras de música clásica, suave, tranquila, que invitara a un cierto recogimiento lector. He de decir que me costó un poco al principio (¿por qué hay que leer?, ¿porque tu lo dices?, ¿porque a ti te guste leer nos tiene que gustar a nosotros?, el año pasado nos dejaban bajar al patio a jugar al baloncesto, etc, etc). Pasado el primer "tirón" inicial la experiencia funcionó más que aceptablemente bien, era una hora de clase que hasta les gustaba pues era un relax antes de Física-Química, pongamos por caso. Pienso adoptar la idea de la compañera de Rábade del registro para poder testar lo que leen y el grado de aceptación de cada libro.

Leer.es

2009-11-16T13:50:00.010Z

O pasado 12 de novembro, o Ministro de Educación deu a coñecer o centro virtual sobre a lectura, Leer.es, un espazo para o encontro de mediadores e lectores.

Posteriormente tivo lugar en Madrid, durante os días 13, 14 e 15 denovembro, o congreso Leer.es destinado a técnicos e responsables de programas de fomento de lectura, proxectos e plans lectores, programas de bibliotecas escolares, asesores e formadores no ámbito da lectura procedentes das distintas comunidades autónomas. Puideron seguirse directamente as sesións a través do blog do congreso, onde nos vindeiros días (segundo os organizadores) estarán accesibles as distintas conferencias e paneis específicos. Falouse de comprensión lectora, de adquisición da competencia lectora e escritora, de acceso á información, de plans de lectura institucionais, de formación do profesorado para unha mellor educación lectora das novas xeracións, da lectura dixital, da avaliación, das bibliotecas escolares, da lectura que favorece a aprendizaxe, das necesidades do profesorado que traballa nestes ámbitos, das novas necesidades na formación das persoas lectoras... Redactáronse unhas conclusións que estarán tamén dispoñibles neste novo espazo.

Clubs de lectura en marcha

2009-10-28T10:10:00.004Z

Xa están os clubs de lectura dos centros de ensino en plena efervescencia... e como mostra, esta información no Segrel do Penedo, o blogue da biblioteca escolar do IES de Fene (Fene, A Coruña).

A formación de persoas lectoras esixe o compromiso dos adultos, pais, nais e profesorado que, en contextos distintos, exercen a súa función de mediadores. A onda de actividade lectora que se move por Galicia adiante a través dos clubs de lectura en centros de ensinanza primaria e secundaria, integrados nas bibliotecas escolares dos seus centros, é un sinal (para quen queira velo) de que algo se está a construír: unha rede de persoas que len e que disfrutan coa lectura, que comparten a súa experiencia e crean vínculos de afecto; unha rede de cidadanía, unha sociedade lectora.

Bibliotecas escolares, con humor, un ano despois....

2009-10-21T08:19:00.004+01:00

Un ano despois, e cando xa imos celebrar a nova cita anual das bibliotecas escolares galegas, atopamos perdido no youtube un vídeo que algún dos asistentes aos II encontros de bibliotecas escolares de Galicia (outubro de 2008) subiu á Rede... sen que tivésemos noticia. Pero como as risas sempre se agradecen, velaí vai, quentando motores xa para as xornadas do venres....

Familias, lectura e bibliotecas

2009-10-13T20:58:00.003+01:00

Nestes inicios de curso, bo é retomar os materiais que a Consellería de Educación editara no ano 2006, dirixidos ás familias do alumnado de infantil, coa finalidade de poñer en valor o seu papel no proceso de formación das persoas lectoras, desde os inicios. Estes caderniños poden ser empregados nas primeiras reunións coas familias, para iniciar conversa e reflexión sobre a necesidade de crear na casa un ambiente favorecedor dos hábitos de lectura.
Pódense ver e descargar aquí

Biblioteca escolar, espazo de lecturaS

2009-10-09T12:06:00.002+01:00

Un ano máis, a Asesoría de bibliotecas escolares busca a compaña e a complicidade dos ilustradores galegos para poñer en valor a lectura. Nesta ocasión, e co gallo da celebración do Mes Internacional da Biblioteca Escolar, segundo a convocatoria da IASL (International Associatio of School Libraries), e o Día da Biblioteca (24 de outubro), estase a difundir o cartel realizado por Miguelanxo Prado.

Biblioteca escolar, espazo de lecturaS, con S maiúsculo, por ser lecturas plurais e diversificadas, en soporte papel ou electrónico, de texto ou de imaxe, de ficción ou de información, en soidade ou en compañía, en silencio ou en alta voz... con finalidades diversas, con obxectivos comúns ou individuais, por obriga (porque hai obrigas e obrigas!!) e por motivación propia, polo pracer de ler ou porque nos cómpre, lectura liviá ou profunda, lectura entre liñas..... porque a formación dos lectores competentes vaise construíndo día a día en espazos abertos (e pechados, pero só no físico), en entornos saudables e con adultos conscientes e entregados á súa función de educadores e de mediadores.

"ESTE ENSINO PROMETE UN EXCELENTE FUTURO"

2009-10-02T09:23:00.004+01:00

No mes de abril, co gallo da semana cultural, a escritora Mª Xosé Queizán visitou a biblioteca escolar do IES de Ponteceso. Unha biblioteca que hai que ver e que conta -entre outras actividades- cun dinámico club de lectura. Algo debeu "notar" a coñecida autora e feminista, cando poucos días despois publicou o seguinte artigo no xornal A Nosa Terra.

"Os centros de ensino son lugares que poñen o saber ao servizo da sociedade. O pensamento, a arte e a ciencia son a mellor garantía para o progreso da humanidade. O ensino público é o nivelador social, o gran logro da democracia porque facilita os coñecementos para toda a poboación, á parte do sexo ou da clase social. A calidade do ensino público nun país asegura un futuro de benestar e unha cidadanía consciente, culta e feliz. Por iso quero mostrar a miña satisfacción ante a mellora dos centros de ensino en Galicia. Estou dando conferencias en diversos institutos que me deron optimismo. Encontrei centros ben dotados, limpos, con plantas, e falei para un alumnado de Bacharelato atento, correcto, cun comportamento cívico que bota abaixo esa idea dunha mocidade actual maleducada e díscola. O nivel de educación non só depende dos investimentos económicos, que tamén, senón das actividades humanas, dunha dirección adecuada e dun profesorado dedicado, culto e imaxinativo. Falo, por exemplo do IES de Ponteceso onde reflexionei sobre a Guerra e Paz para un auditorio xa sensibilizado. Fixéronme unha entrevista nunha radio “pirata” que manexa un estudante de 3º de ESO. Obsequiáronme con dúas unidades didácticas sobre a cultura da paz e a convivencia, elaboradas por un amplo sector do profesorado, con fotografías nas que o propio alumnado reproduce escenas de tortura, de mutilación por minas, de violencia de xénero, de éxodo de refuxiadas, acoso escolar, da homofobia. Non aprenden de oídas; implícanse, métense na pel da xente que sofre. Este ensino promete un excelente futuro."

María Xosé Queizán

Xornadas de bibliotecas escolares de Galicia-2009

2009-09-10T11:18:00.003+01:00

Os vindeiros 23-24 de outubro, en Santiago de Compostela (Palacio de Congresos), nova cita para as profesoras e profesores que andan a erguer pequenas utopías polo país adiante: as Xornadas de Bibliotecas Escolares de Galicia - 2009. Nesta ocasión o tema central das xornadas será "NOVAS LECTURAS, NOVOS LECTORES". Falar de lectura no contexto educativo, hoxe en día, é falar das "novas formas de ler", os novos ou non tan novos soportes, os cambios sociais e tecnolóxicos que indefectiblemente forzan, tamén, a introducir e asentar cambios metodolóxicos e de enfoque nas prácticas de lectura e escritura nos centros. Daniel Cassany, Glória Durban, Tíscar Lara, Guadalupe Jover, Luis Iza, e representantes de centros de ensino de Galicia que están a desenvolver Proxectos lectores de interese, conforman o programa dunha actividade anual que prevé reunir a 1.200 participantes de toda Galicia, todos eles profesores en activo.

Irase actualizando a información sobre esta actividade aquí

Bibliotecas escolares, necesarias en tempos de crise

2009-09-04T08:23:00.005+01:00

Segundo a Asociación de Consumidores de Madrid, CONMADRID, nunha guía de consellos prácticos para unha "volta ao cole" menos ruinosa, "los libros de lectura obligatoria que suelen exigirse en diversas asignaturas, no tenemos la obligación de comprarlos. Los centros educativos cuentan con su propia biblioteca escolar y además, con una biblioteca pública cercana con la que pueden realizar convenios de préstamo colectivo para que no se agoten los ejemplares. En todo caso, bibliotecas municipales y regionales ofrecen la posibilidad de solicitar con antelación la compra de libros que no estén disponibles en su catálogo, todo de forma gratuita."

Vamos, que as bibliotecas escolares existen....

Sobre a lectura

2009-07-30T10:38:00.002+01:00

Coñecemos grazas a unha bibliotecaria escolar o traballo de Juan Berrio e este preciosísimo vídeo seu sobre a lectura, entre outras delicadezas. A disfrutar del!!!

"Literatura, ¿para qué?"

2009-07-13T09:43:00.003+01:00

Desde que a Fundación Germán Sánchez Ruipérez convoca premios anuais para artigos xornalísticos sobre a lectura, veñen aparecendo na prensa, un día sí e outro tamén, textos de diverso cariz, e calidade tamén diversa, na que algúns ou algunhas se poñen estupendos e chaman a ler como quen toca a arrebato... máis ás veces sorpréndennos textos sinxelos, nada retóricos, nados da experiencia máis auténtica e da humildade de quen simplemente non pode vivir sen ler... Velaquí o que publicou Emiliano Monge diario El País, o pasado 11 de xullo. Ler, ¿para qué?

As bibliotecas escolares galegas recomendan.....

2009-06-18T13:52:00.006+01:00

As bibliotecas escolares galegas, coma en anos anteriores, xa teñen listas as súas recomendacións de lecturas para o verán. É hora de ler, abofé....

Xornada Clubs Lectura 2009. Mireia Manresa. 1ª Parte

2009-06-18T08:40:00.003+01:00

Recuperamos polo seu interese (a pesar dos atrancos técnicos e o son deficiente) a 1ª sesión da Xornada de Clubs de lectura, celebrada en Santiago de Compostela, o pasado 5 de xuño. A profesora Mireia Manresa fala do necesario coñecemento dos hábitos de lectura dos e das adolescentes, para poder avanzar en estratexias útiles e eficaces na mediación e na formación de lectores.

De libros, mecanismos e modernidades..

2009-06-15T10:35:00.003+01:00

Leer un libro es recorrer una página detrás de otra, y entrar muchas veces en el ambiguo territorio de los sentidos múltiples. Nuestra época, sin embargo, pide adhesiones incondicionales y por eso triunfa cualquier mecanismo que obliga a pronunciarse de inmediato: sí o no (pulse aquí).
Columna de análise de El Pais, El acento: El éxito del fracaso. 13/06/09

Oito doas para San Simón/1ª parte

2009-06-12T08:18:00.004+01:00

Reproducimos, pola súa beleza, por imprescindible e por mil cousas máis... esta intervención de Agustín Fernández Paz na entrega dos premios Xerais, celebrada na illa de San Simón o pasado 6 de xuño:

Agradecemos a Brétemas a súa difusión

Oito doas para San Simón/2ª parte

2009-06-12T08:11:00.004+01:00

Leer juntos. Ballobar 3ª parte (15 min)

2009-06-09T09:03:00.001+01:00

Da. Mercedes Caballud
Da. Carmen Carramiñana
“Leer juntos”. Ballobar (Huesca)

Leer juntos. Ballobar 2ª parte (40 min)

2009-06-09T09:01:00.001+01:00

Da. Mercedes Caballud
Da. Carmen Carramiñana
“Leer juntos”. Ballobar (Huesca)

Leer juntos. Ballobar (18 min)

2009-06-09T08:53:00.002+01:00

Da. Mercedes Caballud
Da. Carmen Carramiñana
“Leer juntos”. Ballobar (Huesca)

Mesa de experiencias - 2ª parte (48 min)

2009-06-09T08:51:00.001+01:00

Mesa de experiencias - 1ª parte (24 min)

2009-06-09T08:42:00.004+01:00

Da. Mercedes Sánchez Solano. (IES A Sardiñeira. A Coruña)
Da. Gracia Santorum. (Trafegando Ronseis. IES Pintor Colmeiro. Lalín)
D. Jesús Ángel García Cortázar. (IES de Foz)
Da. Almudena Platero López de Turiso. (As catro esquinas. IES Ferro Couselo. Ourense)

Xornada dos clubs de lectura - 2009

2009-06-04T09:17:00.006+01:00

O venres 5 de xuño celébrase en Santiago de Compostela, nas instalacións da EGAP, a Xornada de clubs de lectura - 2009, na que participará profesorado que coordina os clubs de lectura que funcionan este curso en centros de ensino secundario, grazas ao compromiso e bo facer destes profesionais e do alumnado (e ás veces tamén de pais e nais e mesmo de persoal non docente) que os fai posible. 148 clubs de lectura recibiron axuda económica da Consellería de Educación para o seu funcioanamento, pero son máis os clubs de lectura que existen en Galicia. Entre todos, tecen unha rede de lectura por todo o páis. Unha realidade máis aló de números e de discursos ben intencionados. Unha auténtica "masa crítca" de lectoras e lectores. Velaí son. Velaí están. E, por riba, as persoas que os coordinan seguen a formarse... porque o fomento da lectura esixe entusiasmo e compromiso, pero sobre todo coñecemento, ao profesorado implicado.
As sesións desta Xornada poderán seguirse vía internet a través desta páxina.

2009-05-15T07:57:00.003+01:00

Coñecimos este vídeo grazas á Biblioteca do IES As Mariñas, de Betanzos, un espazo de aprendizaxe e de cidadanía exemplar, cun dos blogues máis activos de toda a comunidade.

Xornada dos Clubs de Lectura - 2009

2009-05-07T09:28:00.005+01:00

Está previstas, para o 5 de xuño, a realización desta XORNADA DOS CLUBS DE LECTURA - 2009, unha actividade de formación do profesorado á que asistirán as coordinadoras e coordinadores dos clubs de lectura espallados por Galicia adiante, en 149 institutos de ensino secundario, bacharelato e formación profesional. Máis información no blogue Ler en man común.

Estes clubs son unha realidade moi significativa, para quen queira vela: aglutina a un importante número de adultos, mozos e mozas (non menos de 2200), arredor dos libros e a lectura, nunha actividade continuada ao longo do curso escolar, en periodos non lectivos e horario extraescolar... están a construír o seu anaco de tecido desa sociedade lectora que desexamos (??).

Porque me peta....

2009-05-04T17:38:00.003+01:00

Viñeta de Forges. Diario El País, 03/05/09

Sen comentarios....

Barómetro de hábitos de lectura - 1º trimestre 2009

2009-04-27T09:21:00.003+01:00

A Federación de Gremios de Editores de España vén de publicar o Barómetro de Hábitos de Lectura y compra de Libros, correspondente ao primeiro trimestre deste ano 2009. Cómpre facer unha lectura detida deste documento, se se quere avanzar na mediación cos lectores e lectoras máis novos. Se ben é certo que se confirma o dato referido aos lectores entre 10 e 13 anos, tramo no que o 91,2% se consideran lectores (e dos que o 81% afirma ler libros diaria ou semanalmente), resulta moi inquietante revisar o listado de libros máis lidos. Acaso habería que incidir na calidade dos textos que se poñen a disposición destes lectores, pois trimestre tras trimestre a lectura destes listados resulta descorazonadora... tantos esforzos para esto???!!!! Non se pode dicir que o profesorado non propicie a lectura: o 96,8% dos nenos e nenas desta idade afirma que len porque os seus profesores os animan a ler.

Calquera mediador en temas de lectura debera coñecer ben este documento.... dá pistas para seguir traballando e presenta interrogantes de interese para quen queira velos, entre eles ese 0,4% de lectores en galego.