Lecturas para o tempo de inverno

Xa se albiscan as vacacións de Nadal e, desde hai uns días, as bibliotecas escolares galegas veñen facendo públicas as súas recomendacións de lectura para este tempo de inverno. Son seleccións de títulos en función das idades dos lectores ou segundo outros criterios; son seleccións/eleccións (e ningunha selección é neutral, responde ao coñecemento e ás finalidades de cada quen), feitas polo profesorado que forma os equipos de biblioteca, e difúndense entre os distintos integrantes das comunidades educativas... chegan ás familias en formatos dunha gran dignidade. Contribúen á difusión da lectura, pero tamén contribúen a estabilidade da rede de librerías do noso país, e á construcción dunha sociedade lectora.

Pódense consultar algúns exemplos na páxina de Bibliotecas Escolares de Galicia.

Cando a lectura é noticia

Ten que vir a ministra a Galicia, se cadra, para que a lectura sexa noticia nos telexornais. O pasado 24 de novembro, co gallo da presenza da ministra de Educación en Galicia e da súa defensa das bibliotecas escolares e da lectura presente en todos os medios, a tve acudía a Monforte de Lemos, ao IES Río Cabe, para dar testemuña do que alí ocorre: a existencia dun club de lectura, BALBORDO, que xunta a grandes e pequenos arredor dos libros.

Pasaron uns días xa e non foi ata hoxe que editaron un pequeno vídeo como resultado da súa visita ao centro. Como ben se di nesta pequena grabación, en Galicia hai un cento de clubs de lectura funcionando en centros de ensino secundario... e vai haber máis!!!

Cando unha bibliotecaria busca.... atopa.

Hai que ter unha gran sensibilidade e unha gran profesionalidade, saber moi ben que é o que cómpre ofrecer aos usuarios da biblioteca, aos lectores... para seguir sorprendendo en cada proposta, pola calidade e a dignidade dos contidos, facendo educación de calidade día a día desde a biblioteca escolar. Falamos do equipo da biblioteca escolar do IES Sánchez Cantón, de Pontevedra... que ofrece no seu blogue MESTURAS, esta entrada impecable nun día como o 25 de novembro, contra a violencia de xénero.

Para coñecer outras propostas das bibliotecas escolares galegas neste día, convidamos a visitar os seus blogues (Primaria ou Secundaria). Algúns exemplos, aquí.

Cánta xente para falar de lectura e de bibliotecas escolares!

Iso é o que manifestan os especialistas que veñen de fóra e fican abraiados diante do elevado número de profesoras e profesores que se reúnen ano tras ano en Compostela, cando chega outubro. Celebráronse esta fin de semana os II Encontros de Bibliotecas Escolares de Galicia, que reuniron a 970 participantes, para falar de BIBLIOTECAS PARA LER E APRENDER, o lema duns encontros adicados principalmente á exposición de experiencias de alto interese que se están levando a cabo por todo o territorio galego. Houbo tamén conferencias e risas a esgalla na "lectura de conclusións" a cargo de Ohiulari Clawn.

Na imaxe, o momento no que Xoaquín C. Freixeiro, responsable da biblioteca escolar do CEIP Condela de Fenosa (O Barco, Ourense) fala sobre o Proxecto lector e os clubs de lectura do seu centro.

De lectores expertos...

Entre as últimas lecturas, as novelas de Petros Márkaris e o seu comisario Jaritos, un afeccionado á lectura dos dicionarios... En Suicido Perfecto

atopamos a seguinte perla:

"Agora xa sei qué se entende por lector experto. Non é o que le moi á présa ou con moita atención. É o que sabe en qué fixarse e qué pasar por alto".

Mediadores e clubs de lectura

Son docentes, traballan en centros de ensino secundario dispersos por Galicia adiante, moitos deles integran ou coordinan os equipos de biblioteca escolar dos seus centros, reúnense periódicamente cun grupo de alumnos e alumnas, ás veces con outros profesores, pais e nais, persoal non docente... para falar de libros e de experiencia lectora en clubs de lectura de carácter voluntario para os participantes. Son mediadores de lectura, educadores, cidadáns preocupados pola construción dunha sociedade lectora... e predican co exemplo e co traballo cotián... Reuníronse o pasado 25 de xuño en Santiago de Compostela, convocados pola Dirección Xeral de Ordenación e Innovación Educativa (Asesoría de bibliotecas escolares), nunha Xornada de Clubs de Lectura.

Xornada dos Clubs de lectura en Santiago

Hoxe, 25 de xuño, estase a celebrar na EGAP (Escola Galega de Administración Pública), de Santiago de Compostela, unha Xornada de Clubs de lectura, que reúne aos coordinadores e coordinadoras dos clubs de lectura presentes en 104 centros de ensino secundario de toda Galicia.

Esta actividade, organizada pola Dirección Xeral de Ordenación e Innovación Educativa (Asesoría de Bibliotecas Escolares), pretende ser un punto de encontro para o intercambio de experiencias e iniciativas, un espazo para a reflexión conxunta sobre as potencialidades desta fórmula de fomento da lectura entre os adolescentes e as comunidades educativas dos institutos de ensino secundario. É tamén un tempo para celebrar o éxito dunha convocatoria que soubo recoller as inquedanzas dun bo número de docentes implicados e apoiar as súas iniciativas.

O programa conta coa presenza de dúas persoas de referencia no panorama español: Blanca Calvo, directora da Biblioteca Pública do Estado de Guadalajara, unha das fundadoras do Seminario de Literatura Infantil e Xuvenil desa cidade, impulsora do Maratón de los cuentos, unha das citas ineludibles do ámbito do fomento da lectura no Estado; Pep Bruno, escritor, narrador e impulsor de clubs de lectura e de escritura con mozos e mozas, tamén estára presente nas sesións da tarde. Complétase a xornada con dúas mesas de experiencias: pola mañá de clubs de lectura nos que só participa alumnado e profesorado implicado, e pola tarde, de clubs de lectura abertos ao resto da comunidade escolar, pais, profesorado, ex-alumnos e persoal non docente.

Será unha xornada dedicada aos libros e a lectura. Se contamos con que cada profesor implicado pode representar, como mínimo, a unha media de 15 alumnos/as, as 120 persoas implicadas representan unha incipiente (o no tanto) "masa crítica" do que é hoxe a lectura por propia vontade en Galicia, a que paga a pena porque é libre, a que crea sociedade lectora, a que merca libros nas librerías das súas respectivas localidades e demanda e xestiona bibliotecas escolares activas que mercan libros, tamén, nas mesmas librerías para manter actualizadas as súas coleccións....

Lecturas recomendadas para o verán

Tempo de vacacións... as bibliotecas escolares publican as súas recomendacións de lectura para este verán. Os mediadores seleccionan títulos novos e non tan novos, pero necesarios, e os ofrecen con pequenas reseñas ás veces, con gana sempre de contaxiar o gusto polos libros. Exercen, pois, unha das súas funcións: a de orientar para unha viaxe máis segura polo bosque dos excesos que é hoxe o panorama editorial. Unha visita polo blogues das diferentes bibliotecas escolares amplía o acceso a guías de lectura e listados por idades. Boas lecturas!

• Blogues de bibliotecas escolares de Primaria
• Blogues de biblitoecas escolares de Secundaria

Hora de ler... un exemplo

Os materiais do programa de fomento da lectura, Hora de Ler, están sendo utilizados nos centros escolares a criterio do profesorado, con distintos resultados en función, especialmente, da implicación destes mediadores e do carácter innovador e activo das prácticas pedagóxicas cotiás nas que integran estes materiais. Un exemplo é o que publica no seu blogue Pasa Páxina, a biblioteca do CEIP José Cornide Saavedra, de A Coruña: un percorrido fotográfico polas ilustracións dos libros lidos, realizadas no seu "caderno de debuxo" os lectores e lectoras de educación infantil. As nenas e os nenos len, e len moito, e agasállanos cunha visión particular dos seus personaxes preferidos, eses que forman parte xa do noso imaxinario colectivo: Elmer, a toupiña, Frederick...

Recomendable tamén a información no mesmo blogue sobre a participación de pais e nais na biblioteca, compartindo lecturas... implicándose.

Libros escollidos

A Fundación Germán Sánchez Ruipérez é unha referencia fundamental para os mediadores pero, sobre todo, é unha referencia útil.

Vén de publicar unha selección de títulos de literatura infantil e xuvenil, editados no periodo 2006-2007, escollidos con criterios de calidade pola Red de Selección de Libros Infantiles y Juveniles, un grupo de expertos relacionados con este tipo de literatura nas catro linguas do Estado.

Xornada dos Clubs deLectura

O 25 de xuño terá lugar en Santiago de Compostela unha Xornada dos Clubs de Lectura, destinado ao profesorado que coordina os clubs de lectura en centros públicos que matriculan alumnado de ensino secundario e que foran seleccionados na convocatoria da Dirección Xeral de Ordenación e Innovación Educativa para incentivar e apoiar estas iniciativas, no presente curso 2007/2008. Hai un total de 104 clubs de lectura en funcionamento, algúns deles con varios grupos e participación dos distintos sectores da comunidade educativa.

Nesta xornada poderánse coñecer algunhas destas experiencias, tal e como recolle o programa.

A lúa anda por Malpica....

As nenas de nenos de 1º curso de Primaria do CEIP Milladoiro, de Malpica (A Coruña) len contos a eito..... e debuxan a lúa que dá xenio vela..... Velaquí o vídeo que fixeron cos seus debuxos e as súas voces sobre o texto ¿A que sabe a lúa?, de Michael Grejniec, texto publicado en galego por Kalandraka.

Máis información sobre estas e outras actividades arredor da lectura que se levan a cabo neste centro, pódese ver no blogue da biblioteca escolar: Biblioteca.Milladoiro.Malpica

Ler debía ser prohibido

Na Lusofonía Blogueira haiche moito que ver... velaí un pequeno vídeo para a promoción da lectura, atopado no blogue de Alcameh, compañeira desta pequena rede social que imos tecendo arredor do libro e a lectura...

"Ler poder tornar ás persoas perigosamente máis humanas"


Campanha de incentivo à leitura idealizada e produzida por: Deborah Toniolo, Marina Xavier, Julia Brasileiro, Igor Melo, Jader Félix, João Paulo Moura, Luciano Midlej, Marcos Diniz, Paulo Diniz, Filipe Bezerra. (Alunos do 2ºano - turma pp02/2003 - do curso de Publicidade e Propaganda da UNIFACS - Universidade Salvador).

Foto tomada na Feira Internacional do Libro de La Habana, febreiro 2008

Na súa columna semanal do diario El País (sábado 10/05/08), Manuel Rivas presenta un texto impecable, "El tanatorio", no que unha vez máis é quen de debuxar, apenas cunhas pinceladas, unha situación social ben definitoria da Galicia que estamos a vivir: "No hace mucho, en un municipio orensano, hubo un debate vecinal y una votación para decidir el destino de una subvención de fondos europeos. El dilema era una biblioteca... o un tanatorio. Una variante del derecho a la autodeterminación. En realidad, la alternativa de la biblioteca surgió en el último momento, a propuesta de las dos muchachas más jóvenes del lugar. Entendían que si se optaba por una biblioteca, con su bibliotecaria y todo, no sólo se abría un espacio donde estar vivo, y vivir otras vidas, sino que también se emitía una señal hacia el futuro. ¿Cómo se va a morir un pueblo donde hay biblioteca y bibliotecaria? En la votación hubo una marmórea mayoría a favor del tanatorio."

As mochilas viaxeiras andan a dar froito

Xa levan uns meses movéndose polo país, dos centros escolares ás casas, das casas aos centros, unhas mochilas moi lidas: as mochilas viaxeiras. Unha iniciativa que xa estaban a levar a cabo en moitas bibliotecas escolares, sempre con grande éxito entre as familias.
A modo de exemplo, dúas breves informacións desde centros que participan desta experiencia:

• IES Afonso X O Sabio, de Cambre
• CEIP Quintela, de Moaña

Hábitos de lectura - 1º trimestre 2008

A Federación de Gremios de Editores de España publica a Barómetro de Hábitos de Lectura y compra de Libros, correspondente ao primeiro trimestre do 2008. Inclúe un apartado referido a lectoras e lectores do tramo 10-13 anos, que se consolida como o sector de idade máis lector: 9 de cada 10 nen@s (91%) considéranse lectores; entre eles, o 78,8% afirma ler libros diaria ou semanalmente.

O 65,2% deste pequenos lectores afirma ler por elección propia e porque lles gusta, o 19,3% le por obriga ou por estudos, e un 15,5% le porque llelo recomendaron e lles gusta.

A relación de títulos máis lidos desanima un pouco (para esta viaxe, tantas alforxas....) pero tamén se pode tomar como reto: cómpre insistir en empregar criterios de calidade á hora de seleccionar os materiais que se adquiren para as bibliotecas escolares... sen desbotar as "lecturas xeracionais", como táctica.

Tamén sería bo non galear en exceso os datos referidos á poboación adulta: se se miran ben as estatísticas, só o 41,6% de persoas maiores de 14 anos considérase lector frecuente, é dicir, le libros diaria ou semanalmente. O resto, ese 13,7% que se di lector ocasional... ¿habería que telo en conta? E desde logo... o máis preocupante: hai un 44,7% da poboación que di, con tranquilidade, que non le, e un 28,6%, non le nunca. Pois iso... deixémonos de lerias e de consellos á rapazada... e practiquemos co exemplo.

Umberto Eco dixit....

El País Semanal do 30 de marzo de 2008 publicaba unha extensa entrevista de Juan Cruz co escritor, filósofo e pensador Umberto Eco. Sempre interesado polo fenómeno dos medios de comunicación, alerta unha vez máis sobre os perigos do exceso de "información":

"La fé ciega en Internet cre monstruos, por otra parte (P)

(R)Sí, parece que todo es cierto, que tienes toda la información, pero no sabes cuál es buena y cuál equivocada. Esta velocidad provocará la pérdida de memoria. Y esto ocurre en las jóvenes generaciones, que ya no recuerdan ni quién era Franco ni quién era Mussolini, ¡o incluso Felip González! La abundancia de informaciónn sobre el presente no te permite reflexionar sobre el pasado. Cuando yo era chico podían llegar a la librería tres libros por mes, hoy llegan mil. Y ya no sabes qué libro importante fue publicado hace seis meses. Eso también es una pérdida de la memoria. La abundancia de información sobre el presente es una pérdida y no una ganancia. (...)

Tanta información hace que los periódicos parezcan irrelevantes(P)

(R)Es uno de nuestro problemas contemporáneos. La abundancia de información irrelevante y la dificultad de seleccionarla, y la pérdida de memoria del pasado, no digo ya la histórica. La memoria es nuestra identidad, nuestra alma. Si tú pierdes hoy la memoria, ya no hay alma, eres una bestia. Si sufres un golpe en la cabeza y pierdes la memoria, te conviertes en un vegetal. Si la memoria es el alma, disminuir mucho la memoria es disminuir el alma."

Pódese dicir máis alto pero non máis claro: os educadores (aínda que non sós) temos un obxectivo educativo prioritario: aprenderlle ao noso alumnado a seleccionar a información, a identificar o que é relevante do que non o é, a recoñecer a credibilidade dunha fonte informativa...

Incidindo nestas cuestións, o director do sitio web de información, soitu.es, nunha entrevista dixital que se pode ver na revista cultural dosdoce.com, afirma:

“Nosotros trabajamos con gente muy joven, y algo que tiene que tener siempre en cuenta es que no hay ninguna fuente inocente. Las fuentes son útiles, pero hay que saber por qué y para qué te cuentan las cosas. Intentan seducirte”

Día do Libro falando de libros e de lectura

Falamos de libros co presidente. Día Internacional do Libro. Mupega

O Día Internacional do Libro serviu de escusa en moitos centros educativos galegos para reforzar o gusto pola lectura. Múltiples actividades, cada vez máis participativas, xuntaron vontades, esforzos e experiencia lectora (e boa cultura pedagóxica, tamén), e plasmáronse en recitais, encontros, xogos de animación á lectura, conversas, intercambio de libros... Pódense ver algunhas destas actividades asomándose ás bibliotecas escolares a través dos seus blogues, presentes na páxina da Asesoría de Bibliotecas Escolares.

Un acto moi especial foi o que se levou a cabo no Museo Pedagóxico de Galicia, coa presencia da conselleira de Educación e do presidente do goberno galego. Baixo o lema, Falamos de libros co presidente, xuntáronse rapaces do CEP Marcos da Portela (Pontevedra), CEIP de Pazos (Ferrol), CEIP de Présaras (Vilasantar), CEIP de Sigüeiro (Oroso), CEIP Humberto Juanes (Nigrán), CEIP Pepe de Xan Baña (Sta. Comba), así como algúns membros do club de lectura Balbordo, do IES Río Cabe (Monforte). A través de videoconferencia, desde os seus centros, participaron tamén nenas e nenos do CEIP A Ponte (Lugo) e CEIP Amaro Refojo (Verin).

Falouse de libros e de lectura: dos libros preferidos, dos que están a ler, do moito que lles gusta ler, dos personaxes dos libros, da Hora de ler, das mochilas viaxeiras, dos clubs de lectura... Estas nenas, estos nenos, eran unha pequena representación dos moitos alumnos e alumnas galegos que, día a día, medran como lectores a través de todas e cada unha das pequenas actividades que se botan a andar nas aulas e nas bibliotecas escolares. Pódese apreciar neste pequeno vídeo da Axencia Galega de Noticias o ambiente que alí se viviu: simplemente, no Día do Libro, falamos de libros. Tamén nesta noticia da tvg

O texto de Carlo Frabetti, O Liberespazo, serve de escusa para lembrar, no Día Internacional do Libro, a urxencia por permitir e favorecer desde os centros educativos o descubrimento da literatura, non como materia escolar, non como un catálogo de títulos e autores, senón como mundo animado, como universo.

Agradecemos ao autor este agasallo e convidamos á súa lectura.

Unha curta sobre libros e lecturas, sobre lectores...

A través do blogue O Segrel do Penedo, da biblioteca do IES de Fene, tivemos o pracer de coñecer esta curta realmente exquisita que só puido facer alguén que ame realmente os libros, alguén que teña unha grata experiencia lectora... "La segunda estrella a la derecha", do escritor e director Pablo Bullejos.

Proba superada! Vídeos no taller

Xosé Luis Barreiro e Xosé Leonardo Fariña, falando de "Ferramentas na Rede", e "culpables" de que a idea da retransmisión puidese chegar a ser unha realidade.

Parece que a proba saíu ben... próximamente poderanse ver aquí e tamén aquí os relatorios de Laura Borràs e Miguel Bragado, e con toda seguridade, tamén outros momentos "estelares" dos Encontros do Plan de mellora de bibliotecas escolares 07/08.

Probando, probando...

Os días 3 e 4 de abril, celébranse os Encontros do Plan de mellora de bibliotecas escolares, 07/08. Reúnense responsables ou membros dos equipos de biblioteca dos centros integrados nesta rede. Vaise facer unha proba de restransmisión en directo dalgunha das conferencias.
Se todo vai ben, poderase seguir en directo aos seguintes relatores que accederon a formar parte deste "experimento":
- Xoves, 3, ás 16,00h: Manuel Bragado, que falará de "A lectura en galego no marco da nova literacidade: o caso dos blogs".
- Venres, 4, ás 16,15 h.: Laura Borràs Castanyer, que falará de "Fomento da lectura en contornos dixitais".
Agardamos que todo vaia ben. En calquera caso, estes e outros documentos estarán posteriormente dispoñibles a través deste medio e da páxina de Bibliotecas Escolares
.

O carteiro de Bagdad: "book trailer" que esperta fames de lectura

Grazas a Brétemas coñecemos este fermoso book trailer publicado pola editorial Edelvives para publicitar o libro de Marcos S. Calveiro, O carteiro de Bagdad... nada cambia en Bagdad.... pero algo está a mudar no mundo dos libros que non debemos deixar de aproveitar.

Escribir literatura infantil tamén leva á Academia

O escritor coruñés José Mª Merino acaba de ser elixido académico da Lingua, pasando a ocupar a cadeira de brazos M.
Conta co premio da Crítica 1986 por La orilla oscura, o Miguel Delibes 1996 por Las visiones de Lucrecia, o Nacional de Literatura Infantil 1992 por No soy un libro / Los trenes del verano, o Ramón Gómez de la Serna 2004 por El heredero, o Gonzalo Torrente Ballester 2007 por El lugar sin culpa...
Cultiva a escrita para adultos e xoves, desta última pódese citar a triloxía El oro de los sueños, La tierra del tiempo, La edad de la aventura, El cuaderno de las hojas blancas, Regreso al cuaderno de las hojas blancas,.. Xustamente, aquel polo que acadou o Nacional de Literatura Infantil No soy un libro / Los trenes del verano contén un interesante punto de vista sobre libros e fomento da lectura.

Interesante entrevista no diario El País (28/03/08), cun titular drástico: Para fomentar la lectura hay que apagar la tele

Contan moito neste conto...

As familias contan, e moito, no labor de formación dos novos lectores. Entre os materiais do programa de fomento da lectura en centros escolares, HORA DE LER, distribuídos pola Consellería de Educación, pódense atopar uns caderniños deseñados específicamente para traballar xunto coas familias na creación e consolidación de hábitos de lectura desde as primeiras idades. Tódalas carpetas destinadas ás nenas e nenos de educación infantil, baixo o lema ¡CONTAMOS MOITO! incluían, ademais dos materiais para os pequenos lectores, 7 folletos sobre a lectura e unha proposta destinada ao profesorado para a súa utilización.

1. ¿Quen le?
2. ¿Cando ler?
3. ¿Que ler?
4. ¿A quen ler?
5. ¿Como ler?
6. ¿Onde ler?
7. ¿Por que ler?

Mochilas viaxeiras... ou como implicar ás familias

A experiencia das mochilas viaxeiras (maletas viaxeiras, o saco dos libros....) ten dado moi bo resultados nos centros nos que se levou a cabo; permite achegar ás familias materiais de lectura e recursos audiovisuais a través do propio alumnado, que exerce de "mediador" entre a escola e a casa, presenta os libros que leva na mochila destinados a todos os membros da familia e reafírmase como lector con esta actividade. As bibliotecas escolares adaptan esta actividade ao seu alumnado e ao seu medio social e cultural, e elaboran materiais específicos para dinamizala. Algúns exemplos pódense ver neste enlace: As mochilas xa están a viaxar

Guías de lectura ou mapas para orientarse

As bibliotecas escolares galegas elaboran excelentes guías de lectura, seleccións de libros e outros materiais, de carácter temático ou de contido diverso, destinado a facilitar a escolla de lecturas ao profesorado e ao alumnado do centro. Algunhas destas seleccións están destinadas tamén ás familias, para favorecer a súa función como mediadores na creación de hábitos de lectura. A páxina Bibliotecas Escolares de Galicia difunde estes materiais de gran interese para o profesorado.

8 de marzo: Día da Muller

¿Ata cando?

Balbina vive nunha aldea pequena moi perto de Compostela. Érguese moi cedo. Mentres Manuel e o neno durmen, ela alista os animais, prepara a pota da comida que deixará cocendo toda a mañá co lume baixiño e fai o almorzo.

Levanta ó neno e prepárao para ir á escola.

Érguese Manuel, almorza e prepara o tractor para marchar.

Botan a mañá traballando nas leiras.

Ó mediodía volven á casa. Balbina pon a comida na mesa e comen. Despois de comer, o neno marcha para a escola, Manuel vai botar unha siesta e Balbina, despois de recoller a cociña vai ó río: lava, pon a roupa ó clareo se non chove… Cando volve á casa Manuel xa se ergueu, prepáranse e van traballar a outras leiras.

Volven coa tardiña. O neno xa chegou e está xogando. Manuel aséase e vai á lareira de Alfredo, o veciño, a saber das novidades.

Balbina muxe as vacas e acomoda os outros animais. Fai de cear mentres axuda a José Manuel cos deberes. Cean todos xuntos. O neno déitase. Manuel pónse a ver a televisión e Balbina tamén, mentres repasa unhas pezas de roupa que recolleu hoxe do tendal.

Esta historia é real e tódolos personaxes tamén.

Para Balbina, e para tódalas balbinas que , mentres facían todo esto non podían abrir unha conta no banco sen o permiso do marido, nin quitar o pasaporte…. A tódalas mulleres que non pudieron votar a Constitución española porque non tiñan vinteún anos e viron como os seus compañeiros de dazaoito sí o facían.

¿por canto tempo, aínda balbinas?

A Muller Galega do Século XXI
(Clica na imaxe para ver o álbum)

A Muller Galega de principios do Século XX

Traballo colaborativo dos Blogues das Bibliotecas Escolares Galegas en prol da Igualdade.

Se te queres unir a esta iniciativa tes o código nesta ligazón.

Imos contar mentiras

Imos contar mentiras...

Ou non.

Soñamos con que algún día nada disto sexa unha triste realidade. Con que homes e mulleres sexan exactamente iguais e gocen exactamente dos mesmos dereitos. Con que non haxa nin unha soa muller que sexa violada polo simple feito de selo. Con que non existan os burkas, nin os medos. Con que o traballo doméstico sexa realizado por dúas persoas e non por unha. Con que os salarios sexan exactamente os mesmos. Con que as oportunidades sexan as mesmas. Con que non haxa unha soa muller que teña medo a ser nai por non quedar sen traballo. Con que non existan diferenzas.

Cando teñamos unha sociedade, un planeta inequívocamente solidario, no futuro pensarán que nada disto é real.

Home e muller, ombreiro con ombreiro, sorriso con sorriso, loitando porque a atmósfera sexa máis respirábel.

Traballo colaborativo dos Blogues das Bibliotecas Escolares Galegas en prol da Igualdade.

Se te queres unir a esta iniciativa tes o código nesta ligazón.

Textos e debuxos do 1º vídeo

Rita Levi-Montalcini, loitadora pola igualdade

Rita Levi-Montalcini unha muller a quen a opresión de todo tipo acompañou ao longo da maior parte da súa vida. Non só pola súa decisión de ser científica, algo inconcebible na sociedade italiana de principios do século XX, senón tamén pola súa pertenza a unha familia liberal e xudea que fixeron da súa vida en aqueles anos un inferno continuo.

| View | Upload your own

Rita Levi-Montalcini, un admirable exemplo de solidariedade e de loita pola igualdade

Traballo colaborativo dos Blogues das Bibliotecas Escolares Galegas en prol da Igualdade.

Se te queres unir a esta iniciativa tes o código nesta ligazón.

10 mulleres de cine no século XXI

O cabo dalgúns anos quen queira ter unha idea de como era a sociedade do 2008 e que papel tiña a muller nela terá que votar mán do cine.

Hoxe, anticípándonos aos acontecementos, propoñemos: dez miradas ao mundo fiminino a través de dez historias que nos mostran diferentes etapas das súas vidas.

Empezaremos por ver a aquelas que se incorporan o mundo, pero pola vía da adopción e vindo de lonxe en La pequeña Lola.

Votaremos unha ollada a aquelas nenas que difrutan unha infancia chea de comodidades e o mesmo tempo chea de histerismo, falamos de Pequeña Miss Sunshine.

Moitas mulleres procedentes de outras culturas, por adopción ou emigración, deben loitar na súa xuventude por compatibilizar as súas tradicións co seu contorno e iso e o que fan en Quiero ser como Beckhamn.

E seguindo co inevitable e marabillosa mestizaxe que nos invade, asistiremos a ruptura de tópicos que nos amosan en Las mujeres de verdad tienen curvas.

Pasada a xuventude: toca a vivir, e se non se dan as cousas como se soñaron e preciso poñerse á tarefa e tratar de cambialo todo e iso é o que fai Amelie.

Outras ven truncados os seus anhelos antes de poder cambialos, pero tratan de deixarnos un mundo mellor , como a protagonista de Mi vida sin mí.

En cualquera caso , a consigna e vivir dignamente e iso é o que tratan de facer as mulleres de Mataharis.

Claro que hai cousas que non cambian e os violentos
inimigos da convivencia e a igualdade fan das súas en
Te doy mis ojos.

Pero como dicía unha consigna: podedes arrincar as flores, pero non impediredes a chegada da primavera. Vemos isto no mundo que se inventa a granxeira de La suerte de Emma.

E acabamos cunha dura visión da idade madura en Diario de un escándalo. Que se ben non nos mostra un gran exemplo de vida si nos invita a una profunda e última reflexión.

Buscade estas películas nas bibliotecas, nas tendas ou mesmo nas carteleiras e gardádeas na memoria. Veredes como nuns poucos anos convírtense en documentos de vida deste 2008.


Traballo colaborativo dos Blogues das Bibliotecas Escolares Galegas en prol da IGUALDADE.
Se te queres unir a esta iniciativa tes o código nesta ligazón.

Maruxa Mallo: a Gran Transgresora do 27

Poucos saben que a soberbia triloxía formada por Lorca, Buñuel e Dalí, de sobra coñecida por todos, foi en realidade un cuarteto. Quen era esa cuarta figura, estrañamente silenciada pola historia? Por que foi relegado ao esquecemento o seu nome? Maruja Mallo foi, sen lugar a dúbidas, unha pintora xenial, á que unha suma de adversidades históricas e prexuízos sociais negaron de xeito insólito o recoñecemento que merece

Para saber máis:
Biografía en Cutlura galega feita pola catedrática de historia da arte contemporánea Mª Luisa Sobrino
Biografía en Wikipedia
En Ciudad de Mujeres
Entrevisa a J.L. Ferris autor da última monografía editada sobre M. Mallo


Bibliografía
GÓMEZ DE LA SERNA, R., Maruja Mallo, Buenos Aires, Losada, 1942.
MARUJA Mallo, Madrid, Galeria Guillermo de Osma, 1992
VIDAL, C., Maruxa Mallo. Vigo, A nosa terra, 1999
MARUJA Mallo, Santiago de Compostela, Xunta de Galicia, Consellería de Cultura, 2003.
FERRIS, J.L., Maruja Mallo. La gran transgresora del 27, Madrid,Temas de hoy, 2004, (Biografías).


Traballo colaborativo dos Blogues das Bibliotecas Escolares Galegas en prol da Igualdade.
Se te queres unir a esta iniciativa tes o código nesta ligazón.

Feira do Libro da Habana... ou cando ler é unha festa

Camiñar entre as xentes que acoden en tropel á Feira do Libro da Habana é unha experiencia inesquecible... hai imaxes imborrables que agochan historias de amor e libros, de penuria material , de escaseza da palabra que nós, desde aquí, nin imaxinamos. A cámara, ás veces, resístese... porque hai un certo pudor que impide roubar imaxes de tanta intimidade entre lector e libro. Aínda así... algunhas destas imaxes viaxaron ata Galicia, nunha mochila impresionada, e desde aquí se comparte xunto coas palabras do filósofo Emilio Lledó, no seu artigo La mirada de los libros (Palabras por la lectura, 2007):

"Con los libros no sólo tendemos los brazos hacia la memoria de otros seres, hacia su experiencia y su vida, sino que entramos en nosotros mismos. El sorprendente fenómeno de la lectura implica un diálogo que rompe el solitario murmullo de nuestra, tantas veces, clausurada y pobre o empobrecida experiencia. "

Clubs de lectura tamén en Primaria

Tamén os lectores máis novos poden participar dun club de lectura... E para mostra, o Club de lectura no CEIP Fermín Bouza Brey, de Ponteareas (Pontevedra), que xa iniciaron a súa andaina, mesmo no mundo virtual.
Outro club de lectura con algúns meses de funcionamento é o do CEIP Quintela de Moaña (Pontevedra), que conta cun apartado específico no blogue da biblioteca, e no que podemos atopar comentarios interesantes sobre libros e lecturas.

Poemas pola Paz

Existe, por desgraza, unha ampla mostra de conflitos armados onde constatar os diferentes graos de sufrimento e degradación do ser humano que toda guerra implica. Algúns, aparentemente esquecidos, deixaron, non obstante, feridas mal cicatrizadas e dispostas a reabrirse en calquera momento.Outros, case descoñecidos no imperdoablemente descoñecido continente africano, están xa perdidos sen remedio sexa cal sexa o resultado final da contenda.Tamén os hai cotiáns, perniciosos, que abandonan os primeiros titulares pero deixan rastros atrofiados, convertidos en xordas ladaíñas onde a traxedia individual de cada morte se dilúe en cifras carentes de sentido.
Sendo conscientes desta situación, no Día Internacional da Paz, eliximos a guerra de Iraq como símbolo do engano, a barbarie e a loucura que toda guerra implica.
Neste documento utilizamos unha breve selección de textos de poetas árabes representativos da desolación dun pobo ante a traxedia colectiva que asola moitos dos seus países. Tamén incluímos algunhas citas contra a guerra de varios pensadores e escritores da nosa cultura occidental..

Oiamos as súas voces porque temos o convencemento de que só escoitando persoas sosegadas e respectuosas de calquera cultura os seres humanos teremos unha mínima posibilidade de futuro. Este é o espírito que alenta o presente documento que forma parte da iniciativa colectiva das Bibliotecas Escolares Galegas non Día Internacional da Paz, por un mundo mellor e máis xusto.

Os materiais gráficos deste documento proceden das seguintes fontes
Iraq War Paintings Gerard Laing
Carteles contra una guerra – Signos por la paz (James Mann, Ed. Gustavo Gili)
Lions Clubs International Peace Poster Contest

Chegamos ao momento en que evocamos a paz como unha lembranza.

Impresionad@s polos horrores das guerras, pola manipulación da realidade que teñen feito os grandes e pequenos poderes para xustificala e pola destrución da memoria dos pobos, os ensinantes, os bibliotecarios, debemos seguir buscando co noso traballo o fortalecemento da PAZ e a verdade. A verdade porque somos os administradores dos materiais que conteñen todas as verdades, porque dunha información completa xorde a verdade. A PAZ porque o entendemento entre as persoas é a base do noso traballo; tratamos que comprendades, coñezades e aceptedes o que din outros, tentando abrir mentalidades, facilitando o acceso ás ideas expresadas ao longo dos séculos; todo o contrario do que conseguen as guerras. Por iso, colocamos a tarefa de nos opoñer a elas como a primeira e máis importante do noso labor cotián.
Un bo xeito de ir contra a guerra é divulgar a obra dos poetas que con palabras emocionates, moito máis impactantes que as balas, fixéronlles fronte. As persoas somos unha mestura de razón e sentimento; nas grandes cuestións necesitamos alimentar o corazón tanto como a cabeza, e os poetas saben alimentar o corazón.

Traballo colaborativo dos Blogues das Bibliotecas Escolares en prol da PAZ

Paz, Pau, Paix, Mir, Peace, Bake, Shanti, Frede, Needed... (VII)

Mañá é o Día da Paz. Desde hai días as bibliotecas escolares galegas colaboramos pola primacía desta, tentamos lembrar á sociedade que é a palabra a que debe vencer sobre as armas, esas palabras que voan nos libros, nos poemas, que se transmiten polo diálogo e non polas armas. Cremos que é o Amor quen debe vencer ao egoísmo, a non-violencia debe vencer á violencia e a PAZ á guerra.

Sétimo traballo colaborativo dos Blogues das Bibliotecas Escolares Galegas en prol da PAZ

Pola Paz (VI)

Falamos de guerras, falamos de paz. Falamos dos nosos desexos dun mundo mellor. Fermoso sería que as armas fosen xoguetes que nunca servisen para matar. Conseguilo é o noso obxectivo.

Empeñados como estamos, proclamamos cada día

NON ÁS GUERRAS

Sexto traballo colaborativo dos Blogues das Bibliotecas Escolares Galegas en prol da PAZ

Pola Paz (V)

A violencia nas súas diferentes formas, como manifestación do despropósito, é un dos aspectos máis notables na obra de Goya. Foron precisamente os sucesos acontecidos durante a Guerra de Independencia (1808-1814) os que deron lugar a que Goya efectuase unha reflexión enormemente crítica e innovadora sobre a guerra, sobre as súas causas, brutais manifestacións e consecuencias.

(...) Francisco de Goya, escéptico ante as xustificacións da guerra, lonxe de apoiar coa súa obra os postulados ideolóxicos dalgún dos bandos contendentes, mostra o rostro máis escuro e abxecto da guerra, o dos mortos e os seus asasinos, o dos indefensos e os seus prepotentes violadores, o dos que padecen e os dos que gozan co padecemento alleo.

(...) A sensibilidade de Goya ante estes acontecementos produciu non só a súa mellor serie de estampas, senón un monumental berro contra a violencia nas súas diferentes formas, que non recoñece xustificación ningunha, e que grazas ao maxistral do seu tratamento técnico, formal e conceptual permite ao espectador comtemplar imaxes inherentes a toda guerra.

(...) As obras de Goya de contido bélico non mostran aos heroes militares ou populares que loitaron contra os franceses, de todos coñecidos grazas ás publicacións e ás galerías de retratos gravados amplamente difundidos na España do seu tempo. Nin tan sequera preséntannos feitos concretos acaecidos en lugares determinados. Pola contra Goya móstranos, partindo de acontecementos reais, a esencia dos mesmos, a representación universal do heroísmo, a brutalidade, a fame, a deseperación, a destrución, pero sobre todo a morte. E todo iso protagonizado polo pobo anónimo, verdadeira vítima da guerra.

José Manuel Mantilla. El libro de Los Desastres de la Guerra. Francisco de Goya. Madrid, 2007, Arlanza Ediciones.

Nota: Os títulos dos gravados reproducen a ortografia orixinal de Goya
Quinto traballo colaborativo dos Blogues das Bibliotecas Escolares en prol da PAZ

Pola Paz (IV)

Violencia é que ainda no século XXI, os dereitos das nenas e nenos de todo o mundo seguen sen respectarse.

Pois ben, queremos achegarvos un poema de Xosé María Álvarez Blázquez, escritor que vai ser homenaxeado no Dia das Letras Galegas deste ano e que pouco a pouco iremos coñecendo ao longo do curso.

Fálanos duns nenos que teñen que vivir na rúa, da esmola da xente, e como ata a algunha xente lle chega a parecer normal esta situación tan inxusta.

Non é certo que os nenos teñan fame
Non pode ser.
Ben o sabedes todos
os que andades no mundo atafegados
á percura do pan dos vosos fillos.
Ises outros que vedes pola rúa
pedindo esmola,
non teñen fame, non, porque daquela
vos teríades morto de vergonza.
E ben vos vexo andar nos vosos
coches ou nos tranvías, a berrar de cousas
estranas: -¡viva, beba, baba, buba¡-
sen reparar naquil esfarrapado
que coa moura mauciña está petando
na porta de ferro.
Por iso penso que non é verdade
o que algún caviloso di dos nenos
que andan así petando pola vida.
-¡Non, home, non!- lle dixen a un
de aqueles
-A xente pasa leda......¡Fora boa
que andivesen a rirse dos seus crimes!.

Xosé María Álvarez Blázquez
(Tui 1915-1985)

Cuarto traballo colaborativo dos Blogues das Bibliotecas Escolares en prol da PAZ

Música pola Paz (III)

Seguindo co noso traballo en prol dun mundo mellor no que o diálogo impere sobre o armamento, hoxe achegámosvos tres propostas musicais aínda quentiñas: toda unha proposta de karaoke pacífico para reflexionar.
Solo le pido a Dios:

Blowing in the wind:

Rosa de la Paz:

Terceiro traballo colaborativo dos Blogues das Bibliotecas Escolares en prol da PAZ

Poemas pola Paz

Iniciativas tan marabillosas como esta deberían espallarse e facer posible que os únicos bombardeos que houber polo mundo foran de poemas.

“A poesía é unha arma cargada de futuro”
Gabriel Celaya

Cuando ya nada se espera personalmente exaltante,
mas se palpita y se sigue más acá de la conciencia,
fieramente existiendo, ciegamente afirmado,
como un pulso que golpea las tinieblas.

Cuando se miran de frente
los vertiginosos ojos claros de la muerte,
se dicen las verdades:
las bárbaras, terribles, amorosas crueldades.

Se dicen los poemas
que ensanchan los pulmones de cuantos, asfixiados,
piden ser, piden ritmo,
piden ley para aquello que sienten excesivo.

Con la velocidad del instinto,
con el rayo del prodigio,
como mágica evidencia, lo real se nos convierte
en lo idéntico a sí mismo.

Poesía para el pobre, poesía necesaria
como el pan de cada día,
como el aire que exigimos trece veces por minuto,
para ser y en tanto somos dar un sí que glorifica.

Porque vivimos a golpes, porque apenas si nos dejan
decir que somos quien somos,
nuestros cantares no pueden ser sin pecado un adorno.
Estamos tocando el fondo.

Maldigo la poesía concebida como un lujo
cultural por los neutrales
que, lavándose las manos, se desentienden y evaden.
Maldigo la poesía de quien no toma partido hasta mancharse.

Hago mías las faltas. Siento en mí a cuantos sufren
y canto respirando.
Canto, y canto, y cantando más allá de mis penas
personales, me ensancho.

Quisiera daros vida, provocar nuevos actos,
y calculo por eso con técnica qué puedo.
Me siento un ingeniero del verso y un obrero
que trabaja con otros a España en sus aceros.

Tal es mi poesía: poesía-herramienta
a la vez que latido de lo unánime y ciego.
Tal es, arma cargada de futuro expansivo
con que te apunto al pecho.

No es una poesía gota a gota pensada.
No es un bello producto. No es un fruto perfecto.
Es algo como el aire que todos respiramos
y es el canto que espacia cuanto dentro llevamos.

Son palabras que todos repetimos sintiendo
como nuestras, y vuelan. Son más que lo mentado.
Son lo más necesario: lo que no tiene nombre.
Son gritos en el cielo, y en la tierra son actos.

Segundo traballo colaborativo dos Blogs das Bibliotecas Escolares en prol da PAZ

Pola Paz (1)

Os blogues das bibliotecas escolares galegas, unha vez máis, unímonos na loita do dereito primordial de todo ser humano: a convivencia pacífica. Porque sabemos que a base de toda coexistencia é o entendemento, o diálogo, o feito de saber abrir os nosos ollos e os nosos oídos para escoitar e entender, desexamos elevar as nosas voces como unha soa, un só berro unido por unha soa palabra, a palabra máis fermosa que debe reinar as nosas existencias: PAZ.
E para reclamala, para pedir aos gobernos que senten a dialogar, para pedir a todo home e muller que habite sobre a face da terra que sexa quen de trocar puños e fusís por verbas e entendemento, por conmiseración e diálogo, por amizade e respecto, é polo que estamos aquí.
Dende hoxe até o día 30, lembrarémosvos que podemos vivir en paz, que só hai que crer nela, confiar nela, traballar por ela. O noso labor primordial é e será sempre ensinar respecto, democracia e educación. O noso labor é axudar unha mellor sociedade do futuro.

Xuntos pola Paz

Post froito do traballo colaborativo de profesorado integrado na rede de Bibliotecas Escolares de Galicia.

Clubs de lectura en centros de ensino secundario

En novembro de 2007, a Dirección Xeral de Ordenación e Innovación Educativa da Consellería de Educación, fixo pública unha convocatoria de clubs de lectura en centros públicos que matriculan alumnado de ensino secundario, bachalerato, formación profesional ou ensinanzas de réxime especial, no contexto das actuacións destinadas a fomentar a lectura nos centros escolares. Esta iniciativa foi moi ben acollida polo profesorado, presentándose un total de 106 proxectos, correspondentes a 106 centros educativos (institutos e escolas oficiais de idiomas na meirande parte). Algúns dos clubs de lectura presentados xa viñan funcionando, pero na súa maioría trátase de proxectos novos. Con data 26 de decembro se publicaba no Portal Educativo a resolución desta convocatoria, coa asignación de contías destinadas a apoiar o desenvolvemento destes clubs de lectura.
Se se ten en conta que en Galicia hai un total de 259 institutos de ensino sencundario e que reciben apoio un total de 104 destes centros, pódese dicir que en un de cada tres institutos hai, cando menos, un docente e un grupo de rapaces e rapazas que, cunha periodicidade establecida e uns obxectivos concretos, se reúnen para falar de libros e lectura, para compartir a súa experiencia lectora e medrar así en tanto que lectores.
Cómpre ter en conta, así mesmo, que varios destes clubs de lectura prevén o funcionamento de varios grupos, debido ao número de lectores implicados e, tamén, que nalgúns casos se abriron á participacion doutros membros da comunidade educativa (nais, pais, ex-alumnos e persoal non docente).
A maioría destes clubs de lectura pretenden, así mesmo, poñer en marcha un blogue como complemento e soporte dixital da actividade. Varios destes xa están en marcha. Velaquí unha mostra:
Na Estrada 525 (IES Manuel García Barros)
Club de lectura Arredor de si (IES de Arzúa)
Club de lectura do IES Alexandre Bóveda
Club de lectura O Segrel (IES de Fene)
As Mariñas Lectoras (IES As Mariñas, de Betanzos)
Club de lectura virtual IES Auga da Laxe

+información