Lecturas para o inverno

As bibliotecas escolares recomendan libros para estes tempos de Nadal. O profesorado responsable das bibliotecas, ás veces en colaboración co alumnado e mesmo con nais que colaboran co equipo de apoio, pon a disposición da comunidade educativa estas GUÍAS DE LECTURA para orientar ás familias, e a rapaces e rapazas, na selección de textos de interese, de cara ás adquisicións de agasallos nestes días e pensando en aproveitar este tempo de vacacións para facer novas lecturas.

PREMIO LAZARILLO PARA A LITERATURA GALEGA

Marcos S. Calveiro acaba de recibir o premio Lazarillo de literatura infantil por O sombreiro de malvas que se publicará proximamente en galego e en castelán.
Este galardón que é o máis antigo na literatura española para a infancia e que acostuma nomearse como o Cervantes dos libros destinados aos pequenos, é convocado pola OEPLI (Organización Española para el Libro Infantil), e ven amosar o bo estado da nosa literatura que aínda o pasado ano conseguiu o Nacional co libro O único que queda é o amor de Agustín Fernández Paz. Unha literatura, a nosa, “normalizada” e que normaliza a cultura do país.
Antes que Calveiro recibiron este premio An Alfaya no 2005, Xosé Antonio Neira Cruz no 2004, Ana Mª Fernández no 2001, Gloria Sánchez no 2000, Marilar Aleixandre no 1999, Agustín Fernández Paz en 1990, e tanto Concha Blanco como Antón Cortizas contan con accésits. Debemos ter en conta que se trata dun premio ao que se accede desde os idiomas propios de cada unha das comunidades lingüísticas.
O escritor galego é autor de libros para adultos como Festina lente e das obras de literatura infantil e xuvenil como a marabillosa Rinocerontes e quimeras; Sari, soñador de mares; dos premios Barco de Vapor con O canto dos peixes ou o Ala Delta por O carteiro de Bagdad.

Unha visita ao seu blogue sempre é unha boa opción, igual que lembrar o que acerca dos seus libros se contaba en Rede lectura.

Libros dixitais, ¿onde atopalos?

O Portal cultural Dosdoce e o seu blogue, Comunicación Cultural, son fonte imprescindible de información sobre cultura dixital... sobre cultura e lectura. Unha das súas últimas achegas en relación cos libros dixitais é esta relación de sitios web nos que poder descargar gratuitamente libros electrónicos, eses e-books que están chamando á porta de forma poderosa... Agradecemos unha vez máis a Javier Celaya , e a todo o seu equipo, estes recursos que son tan importantes para os mediadores no ámbito da lectura.

Lectoras e lectores nos centros galegos

Que as rapazas e os rapaces galegos len, e len moito... sabémolo os docentes que traballamos con eles e para eles, pola súa formación lectora. As bibliotecas escolares galegas son fervedoiros de lectores ávidos... cando están vivas.... e hai moita vida polo país adiante. O diario La Voz de Galicia fíxose eco desta realidade na súa edición do pasado 29 de novembro:

Sobre o fomento da lectura nas bibliotecas escolares

Sobre os clubs de lectura

Sobre a Hora de ler

Sobre as mochilas viaxeiras

José María Merino, X Premio xornalístico de lectura da FGSR

Recentemente, a Fundación Germán Sánchez Ruipérez facía publico o ganador do X Premio xornalístico de lectura que correspondeu nesta ocasión ao escritor José Mará Merino, polo seu artigo "El territorio de lo que somos", publicado no diario ABC en decembro de 2008.

"Muchos creen, todavía en la falacia aristotélica, que sólo en la Historia está el archivo seguro de nuestras circunstancias, pero el más certero registro de lo que caracteriza a la especie humana, donde verdaderamente se encuentra la historia de nuestro corazón a lo largo de los milenios, es en la literatura, constituida desde la capacidad simbólica que nos identifica. Leer nos da acceso al gran espacio de la imaginación reveladora: el país de lo que somos, el territorio de lo que sentimos."

De lectura e de lectores

Entre os correos recibidos na Asesoría de bibliotecas escolares, logo das Xornadas de Bibliotecas Escolares de Galicia - 2009, comentamos a mensaxe enviada polo profesor Carlos J. González, que ensina Filosofía nun instituto da cidade de A Coruña, e que resulta de gran interese. Cando se quere, pódese, en temas de fomento da lectura e na formación dos lectores e lectoras. Velaquí as súas propias palabras:

En las Jornadas de Bibliotecas de este fin de semana escuché con interés a la profesora de Rábade su exposición sobre la hora de leer en secundaria. Soy profesor en el IES Salvador de Madariaga de Coruña y comentaba con mis colegas la dificultad casi insalvable de llevar esta práctica al bachillerato. Como en el coloquio no hubo tiempo os comento la iniciativa que sí estamos llevando a cabo en mi centro desde el pasado curso 2008-09 en la hora semanal de Atención Educativa a los alumnos que no escogen religión (es cierto que no son todos pero sí muchos). Personalmente me encargé de los cuatro grupos de 1º de bachiller y de uno de 2º de ESO. Dediqué la hora a la lectura por placer: Leían el libro que tenían en préstamo de la bilbioteca o bien un libro que traían de casa o les había aconsejado/prestado un amigo, etc. Sólo leían libros, no revistas, periódicos, etc. Leían ellos y leía yo (hay que predicar con el ejemplo; yo no puedo estar haciendo mis cosas, preparando mis clases, etc). Las dos primeras semanas intentó ser lectura silenciosa, pero no era posible pues al estar leyendo en silencio se oía al profesor del aula contiguo o el barullo del pasillo... por eso opté por poner distintas obras de música clásica, suave, tranquila, que invitara a un cierto recogimiento lector. He de decir que me costó un poco al principio (¿por qué hay que leer?, ¿porque tu lo dices?, ¿porque a ti te guste leer nos tiene que gustar a nosotros?, el año pasado nos dejaban bajar al patio a jugar al baloncesto, etc, etc). Pasado el primer "tirón" inicial la experiencia funcionó más que aceptablemente bien, era una hora de clase que hasta les gustaba pues era un relax antes de Física-Química, pongamos por caso. Pienso adoptar la idea de la compañera de Rábade del registro para poder testar lo que leen y el grado de aceptación de cada libro.

Leer.es

O pasado 12 de novembro, o Ministro de Educación deu a coñecer o centro virtual sobre a lectura, Leer.es, un espazo para o encontro de mediadores e lectores.

Posteriormente tivo lugar en Madrid, durante os días 13, 14 e 15 denovembro, o congreso Leer.es destinado a técnicos e responsables de programas de fomento de lectura, proxectos e plans lectores, programas de bibliotecas escolares, asesores e formadores no ámbito da lectura procedentes das distintas comunidades autónomas. Puideron seguirse directamente as sesións a través do blog do congreso, onde nos vindeiros días (segundo os organizadores) estarán accesibles as distintas conferencias e paneis específicos. Falouse de comprensión lectora, de adquisición da competencia lectora e escritora, de acceso á información, de plans de lectura institucionais, de formación do profesorado para unha mellor educación lectora das novas xeracións, da lectura dixital, da avaliación, das bibliotecas escolares, da lectura que favorece a aprendizaxe, das necesidades do profesorado que traballa nestes ámbitos, das novas necesidades na formación das persoas lectoras... Redactáronse unhas conclusións que estarán tamén dispoñibles neste novo espazo.

Clubs de lectura en marcha

Xa están os clubs de lectura dos centros de ensino en plena efervescencia... e como mostra, esta información no Segrel do Penedo, o blogue da biblioteca escolar do IES de Fene (Fene, A Coruña).

A formación de persoas lectoras esixe o compromiso dos adultos, pais, nais e profesorado que, en contextos distintos, exercen a súa función de mediadores. A onda de actividade lectora que se move por Galicia adiante a través dos clubs de lectura en centros de ensinanza primaria e secundaria, integrados nas bibliotecas escolares dos seus centros, é un sinal (para quen queira velo) de que algo se está a construír: unha rede de persoas que len e que disfrutan coa lectura, que comparten a súa experiencia e crean vínculos de afecto; unha rede de cidadanía, unha sociedade lectora.

Bibliotecas escolares, con humor, un ano despois....

Un ano despois, e cando xa imos celebrar a nova cita anual das bibliotecas escolares galegas, atopamos perdido no youtube un vídeo que algún dos asistentes aos II encontros de bibliotecas escolares de Galicia (outubro de 2008) subiu á Rede... sen que tivésemos noticia. Pero como as risas sempre se agradecen, velaí vai, quentando motores xa para as xornadas do venres....

Familias, lectura e bibliotecas

Nestes inicios de curso, bo é retomar os materiais que a Consellería de Educación editara no ano 2006, dirixidos ás familias do alumnado de infantil, coa finalidade de poñer en valor o seu papel no proceso de formación das persoas lectoras, desde os inicios. Estes caderniños poden ser empregados nas primeiras reunións coas familias, para iniciar conversa e reflexión sobre a necesidade de crear na casa un ambiente favorecedor dos hábitos de lectura.
Pódense ver e descargar aquí

Biblioteca escolar, espazo de lecturaS

Un ano máis, a Asesoría de bibliotecas escolares busca a compaña e a complicidade dos ilustradores galegos para poñer en valor a lectura. Nesta ocasión, e co gallo da celebración do Mes Internacional da Biblioteca Escolar, segundo a convocatoria da IASL (International Associatio of School Libraries), e o Día da Biblioteca (24 de outubro), estase a difundir o cartel realizado por Miguelanxo Prado.

Biblioteca escolar, espazo de lecturaS, con S maiúsculo, por ser lecturas plurais e diversificadas, en soporte papel ou electrónico, de texto ou de imaxe, de ficción ou de información, en soidade ou en compañía, en silencio ou en alta voz... con finalidades diversas, con obxectivos comúns ou individuais, por obriga (porque hai obrigas e obrigas!!) e por motivación propia, polo pracer de ler ou porque nos cómpre, lectura liviá ou profunda, lectura entre liñas..... porque a formación dos lectores competentes vaise construíndo día a día en espazos abertos (e pechados, pero só no físico), en entornos saudables e con adultos conscientes e entregados á súa función de educadores e de mediadores.

"ESTE ENSINO PROMETE UN EXCELENTE FUTURO"

No mes de abril, co gallo da semana cultural, a escritora Mª Xosé Queizán visitou a biblioteca escolar do IES de Ponteceso. Unha biblioteca que hai que ver e que conta -entre outras actividades- cun dinámico club de lectura. Algo debeu "notar" a coñecida autora e feminista, cando poucos días despois publicou o seguinte artigo no xornal A Nosa Terra.

"Os centros de ensino son lugares que poñen o saber ao servizo da sociedade. O pensamento, a arte e a ciencia son a mellor garantía para o progreso da humanidade. O ensino público é o nivelador social, o gran logro da democracia porque facilita os coñecementos para toda a poboación, á parte do sexo ou da clase social. A calidade do ensino público nun país asegura un futuro de benestar e unha cidadanía consciente, culta e feliz. Por iso quero mostrar a miña satisfacción ante a mellora dos centros de ensino en Galicia. Estou dando conferencias en diversos institutos que me deron optimismo. Encontrei centros ben dotados, limpos, con plantas, e falei para un alumnado de Bacharelato atento, correcto, cun comportamento cívico que bota abaixo esa idea dunha mocidade actual maleducada e díscola. O nivel de educación non só depende dos investimentos económicos, que tamén, senón das actividades humanas, dunha dirección adecuada e dun profesorado dedicado, culto e imaxinativo. Falo, por exemplo do IES de Ponteceso onde reflexionei sobre a Guerra e Paz para un auditorio xa sensibilizado. Fixéronme unha entrevista nunha radio “pirata” que manexa un estudante de 3º de ESO. Obsequiáronme con dúas unidades didácticas sobre a cultura da paz e a convivencia, elaboradas por un amplo sector do profesorado, con fotografías nas que o propio alumnado reproduce escenas de tortura, de mutilación por minas, de violencia de xénero, de éxodo de refuxiadas, acoso escolar, da homofobia. Non aprenden de oídas; implícanse, métense na pel da xente que sofre. Este ensino promete un excelente futuro."

María Xosé Queizán

Xornadas de bibliotecas escolares de Galicia-2009

Os vindeiros 23-24 de outubro, en Santiago de Compostela (Palacio de Congresos), nova cita para as profesoras e profesores que andan a erguer pequenas utopías polo país adiante: as Xornadas de Bibliotecas Escolares de Galicia - 2009. Nesta ocasión o tema central das xornadas será "NOVAS LECTURAS, NOVOS LECTORES". Falar de lectura no contexto educativo, hoxe en día, é falar das "novas formas de ler", os novos ou non tan novos soportes, os cambios sociais e tecnolóxicos que indefectiblemente forzan, tamén, a introducir e asentar cambios metodolóxicos e de enfoque nas prácticas de lectura e escritura nos centros. Daniel Cassany, Glória Durban, Tíscar Lara, Guadalupe Jover, Luis Iza, e representantes de centros de ensino de Galicia que están a desenvolver Proxectos lectores de interese, conforman o programa dunha actividade anual que prevé reunir a 1.200 participantes de toda Galicia, todos eles profesores en activo.

Irase actualizando a información sobre esta actividade aquí

Bibliotecas escolares, necesarias en tempos de crise

Segundo a Asociación de Consumidores de Madrid, CONMADRID, nunha guía de consellos prácticos para unha "volta ao cole" menos ruinosa, "los libros de lectura obligatoria que suelen exigirse en diversas asignaturas, no tenemos la obligación de comprarlos. Los centros educativos cuentan con su propia biblioteca escolar y además, con una biblioteca pública cercana con la que pueden realizar convenios de préstamo colectivo para que no se agoten los ejemplares. En todo caso, bibliotecas municipales y regionales ofrecen la posibilidad de solicitar con antelación la compra de libros que no estén disponibles en su catálogo, todo de forma gratuita."

Vamos, que as bibliotecas escolares existen....

Sobre a lectura

Coñecemos grazas a unha bibliotecaria escolar o traballo de Juan Berrio e este preciosísimo vídeo seu sobre a lectura, entre outras delicadezas. A disfrutar del!!!

"Literatura, ¿para qué?"

Desde que a Fundación Germán Sánchez Ruipérez convoca premios anuais para artigos xornalísticos sobre a lectura, veñen aparecendo na prensa, un día sí e outro tamén, textos de diverso cariz, e calidade tamén diversa, na que algúns ou algunhas se poñen estupendos e chaman a ler como quen toca a arrebato... máis ás veces sorpréndennos textos sinxelos, nada retóricos, nados da experiencia máis auténtica e da humildade de quen simplemente non pode vivir sen ler... Velaquí o que publicou Emiliano Monge diario El País, o pasado 11 de xullo. Ler, ¿para qué?

As bibliotecas escolares galegas recomendan.....

As bibliotecas escolares galegas, coma en anos anteriores, xa teñen listas as súas recomendacións de lecturas para o verán. É hora de ler, abofé....

Xornada Clubs Lectura 2009. Mireia Manresa. 1ª Parte

Recuperamos polo seu interese (a pesar dos atrancos técnicos e o son deficiente) a 1ª sesión da Xornada de Clubs de lectura, celebrada en Santiago de Compostela, o pasado 5 de xuño. A profesora Mireia Manresa fala do necesario coñecemento dos hábitos de lectura dos e das adolescentes, para poder avanzar en estratexias útiles e eficaces na mediación e na formación de lectores.

De libros, mecanismos e modernidades..

Leer un libro es recorrer una página detrás de otra, y entrar muchas veces en el ambiguo territorio de los sentidos múltiples. Nuestra época, sin embargo, pide adhesiones incondicionales y por eso triunfa cualquier mecanismo que obliga a pronunciarse de inmediato: sí o no (pulse aquí).
Columna de análise de El Pais, El acento: El éxito del fracaso. 13/06/09

Oito doas para San Simón/1ª parte

Reproducimos, pola súa beleza, por imprescindible e por mil cousas máis... esta intervención de Agustín Fernández Paz na entrega dos premios Xerais, celebrada na illa de San Simón o pasado 6 de xuño:


Agradecemos a Brétemas a súa difusión

Oito doas para San Simón/2ª parte

Leer juntos. Ballobar 3ª parte (15 min)

Da. Mercedes Caballud
Da. Carmen Carramiñana
“Leer juntos”. Ballobar (Huesca)

Leer juntos. Ballobar 2ª parte (40 min)

Da. Mercedes Caballud
Da. Carmen Carramiñana
“Leer juntos”. Ballobar (Huesca)

Leer juntos. Ballobar (18 min)

Da. Mercedes Caballud
Da. Carmen Carramiñana
“Leer juntos”. Ballobar (Huesca)

Mesa de experiencias - 2ª parte (48 min)

Mesa de experiencias - 1ª parte (24 min)

Da. Mercedes Sánchez Solano. (IES A Sardiñeira. A Coruña)
Da. Gracia Santorum. (Trafegando Ronseis. IES Pintor Colmeiro. Lalín)
D. Jesús Ángel García Cortázar. (IES de Foz)
Da. Almudena Platero López de Turiso. (As catro esquinas. IES Ferro Couselo. Ourense)

Xornada dos clubs de lectura - 2009

O venres 5 de xuño celébrase en Santiago de Compostela, nas instalacións da EGAP, a Xornada de clubs de lectura - 2009, na que participará profesorado que coordina os clubs de lectura que funcionan este curso en centros de ensino secundario, grazas ao compromiso e bo facer destes profesionais e do alumnado (e ás veces tamén de pais e nais e mesmo de persoal non docente) que os fai posible. 148 clubs de lectura recibiron axuda económica da Consellería de Educación para o seu funcioanamento, pero son máis os clubs de lectura que existen en Galicia. Entre todos, tecen unha rede de lectura por todo o páis. Unha realidade máis aló de números e de discursos ben intencionados. Unha auténtica "masa crítca" de lectoras e lectores. Velaí son. Velaí están. E, por riba, as persoas que os coordinan seguen a formarse... porque o fomento da lectura esixe entusiasmo e compromiso, pero sobre todo coñecemento, ao profesorado implicado.
As sesións desta Xornada poderán seguirse vía internet a través desta páxina.

Coñecimos este vídeo grazas á Biblioteca do IES As Mariñas, de Betanzos, un espazo de aprendizaxe e de cidadanía exemplar, cun dos blogues máis activos de toda a comunidade.

Xornada dos Clubs de Lectura - 2009

Está previstas, para o 5 de xuño, a realización desta XORNADA DOS CLUBS DE LECTURA - 2009, unha actividade de formación do profesorado á que asistirán as coordinadoras e coordinadores dos clubs de lectura espallados por Galicia adiante, en 149 institutos de ensino secundario, bacharelato e formación profesional. Máis información no blogue Ler en man común.

Estes clubs son unha realidade moi significativa, para quen queira vela: aglutina a un importante número de adultos, mozos e mozas (non menos de 2200), arredor dos libros e a lectura, nunha actividade continuada ao longo do curso escolar, en periodos non lectivos e horario extraescolar... están a construír o seu anaco de tecido desa sociedade lectora que desexamos (??).

Porque me peta....

Viñeta de Forges. Diario El País, 03/05/09

Sen comentarios....

Barómetro de hábitos de lectura - 1º trimestre 2009

A Federación de Gremios de Editores de España vén de publicar o Barómetro de Hábitos de Lectura y compra de Libros, correspondente ao primeiro trimestre deste ano 2009. Cómpre facer unha lectura detida deste documento, se se quere avanzar na mediación cos lectores e lectoras máis novos. Se ben é certo que se confirma o dato referido aos lectores entre 10 e 13 anos, tramo no que o 91,2% se consideran lectores (e dos que o 81% afirma ler libros diaria ou semanalmente), resulta moi inquietante revisar o listado de libros máis lidos. Acaso habería que incidir na calidade dos textos que se poñen a disposición destes lectores, pois trimestre tras trimestre a lectura destes listados resulta descorazonadora... tantos esforzos para esto???!!!! Non se pode dicir que o profesorado non propicie a lectura: o 96,8% dos nenos e nenas desta idade afirma que len porque os seus profesores os animan a ler.

Calquera mediador en temas de lectura debera coñecer ben este documento.... dá pistas para seguir traballando e presenta interrogantes de interese para quen queira velos, entre eles ese 0,4% de lectores en galego.

Día do Libro 2009

O libro está presente a cotío nas bibliotecas escolares galegas, pero nestes días, son moitas as actividades que se están a levar a cabo para poñer en valor a lectura, co gallo da conmemoración do Día Mundial do Libro e os Dereitos de Autor, auspiciado pola UNESCO. Exemplo deste fervedoiro de actividades podémolo ver nestes centros:

• CEIP Quintela, de Moaña (Pontevedra)
• CEIP de Pazos, de Ferrol (A Coruña)
• IES As Mariñas, de Betanzos (A Coruña)
• IES Sánchez Cantón, de Pontevedra
• IES Alexandre Bóveda, de Vigo (Pontevedra)
• IES Auga da Laxe, de Gondomar (Pontevedra)
• IES Fernando Esquío, de Neda (A Coruña)
• IES Fontexería, de Muros (A Coruña)
• CEIP Mestres Goldar, de Vigo (Pontevedra)
• CEIP Frian-Teis, de Vigo (Pontevedra)

Máis información, na páxina de Bibliotecas Escolares de Galicia

Encontros do Plan de mellora de bibliotecas escolares

Os vindeiros 16/17 de abril celebraranse en Santiago os Encontros do Plan de mellora de bibliotecas escolares, 2008/2009. Reuniranse responsables das bibliotecas integradas neste programa da Consellería de Educación co fin de intercambiar experiencias e materiais, e continuar a súa formación en ámbitos diversos como a literatura infantil e xuvenil, a integración das TIC nas prácticas lectoras e escritoras, ALFIN e competencia informacional, os proxectos documentais, ou as posibilidades do programa Meiga, máis aló da súa función como aplicación informática común para as bibliotecas públicas e escolares.

As bibliotecas escolares, espazos de aprendizaxe e de construción da sociedade lectora, aproveitan os recursos da Rede sen esquecer que os vínculos que se crean nos encontros presenciais, son fundamentais para seguir traballando, sabéndose parte dunha corrente máis ampla que empuxa, que empuxa... parte dunha "masa crítica", tamén, no ámbito educativo.

LIX a exame

A Fundación SM vén de publicar o seu Anuario sobre el libro infantil y juvenil 2009, un instrumento esencial para os mediadores que atopamos nel, cada ano, estatísticas de lectura, análise de tendencias, artigos especializados e unha oportunidade de autoformación. Benvido o novo anuario.

O poder da persoa que le

"Cecais se poida dicir que algúns escriben palabras que non cambian as cousas, e outros escriben palabras que lle permiten á xente ter instrumentos para mudar as cousas. O poder enorme que ten o lector que elixe ler un libro... Cecais el non se dea conta. Eu si. Os lectores, e non o libro, son a clave da miña historia. Se ninguén o tivese lido, á Camorra teríalle importado moito menos. "

Roberto Saviano. El País Semanal. 08/02/09

Sobre a pertinencia de reler a Manuel María

Formación para mediadores na Rede

Banco del Libro, a institución venezolana que tanto ten feito pola lectura no seu país, extende a súa benéfica influencia na formación de mediadores de lectura a través da Rede, mediante o seu Programa integral en línea para la formación de promotores de lectura. Benvidas sexan estas iniciativas que aúnan vontades e tenden redes sociais por riba de fronteiras, océanos e diferencias.

Conspiración pola PAZ

Cartel de autoría de Beatriz González, desde a Biblioteca Escolar do IES Río Cabe de Monforte (Lugo)

Andan as bibliotecas escolares galegas a demostrar unha vez máis que a colaboración, o traballo conxunto, a suma de vontades, é fonte de enerxía.... da que fai rodar o mundo. Velaquí a CONSPIRACIÓN POLA PAZ que xorde en bibliotecas, eses espazos de educación para a cidadanía actíva e crítica, para a construción dunha sociedade lectora.

Vén de facerse público este importante documento para todos os profesionais do ámbito da cultura e da educación: La lectura en España. Informe 2008, co subtítulo Leer para aprender. Coordina José Antonio Millán e edita a Federación de Gremios de Editores de España e a Fundación Germán Sánchez Ruipérez.
Velaí unha publicación para avanzar na áutoformación, reflexionar sobre as novas lecturas e coñecer estatísticas que nos sitúan e nos achegan argumentos para unha actualización necesaria das nosas prácticas diarias en tanto que mediadores de lectura. Benvida!!
Pódese descargar en formato pdf. Os editores dispuxeron tamén dun espazo para intercambio de opinións e comentarios.

A prol da competencia informacional

Rematado xa o II Seminario: Biblioteca, aprendizaje y ciudadanía. Prácticas y experiencias de alfabetización informacional, celebrado en Vilanova i la Geltrú os días 22 e 23 de xaneiro, podemos ler o seguinte apartado no documento de conclusións:

Articulación de ALFIN no contexto escolar:
1. A complexidade e sobreabundancia de información, así como os perigos dun uso incompetente desta, xustifica a necesidade de desenvolver esta competencia nas etapas educativas.
2. A biblioteca escolar é imprescindible no desenvolvemento das competencias para a aprendizaxe polo que a ALFIN debe ser parte do proxecto educativo de cada centro escolar.
3. Cómpre facer evidente que a competencia informacional facilita, contribúe e axuda na consecución das competencias básicas e o conxunto dos contidos curriculares.
4. O profesorado debe favorecer escenarios e propiciar espazos de traballo colaborativo que conduzan á aprendizaxe da competencia informacional.
5. Os plans de fomento da lectura e o traballo baseado en proxectos de investigación poden ser escenarios para a sistematización e a corresponsabilidade no proceso de aprendizaxe da competencia informacional.

Pois más claro, auga.... afortunadamente, moitos centros educativos galegos xa están "na onda". E a título de exemplo, xa en Primaria:

• CEIP José Cornide Saavedra, de A Coruña
• CEIP San Martiño, de Pontevedra (webquest)
• CEIP Campomaior, de Ordes (A Coruña)

As "pedras do acordo"

Hai uns meses, lendo memorias dos clubs de lectura en centros de ensino secundario do curso 2007/2008, atopamos esta exquisitez:
"Con Pedra do Acordo lembramos ás pedras ao redor das que se xuntaban os labregos para decidir sobre cuestións comunais: o reparto de terras, de leña, regas... No monte Aloia hai unha. No instituto temos outra: a biblioteca, non ao seu redor, diriamos que máis ben nela estamos, entre outros, as/os amigas/os da lectura." Club de lectura Pedra do Acordo. IES San Paio.
Andan a xurdir "pedras do acordo" por Galicia adiante... benvidas sexan elas e o profesorado que as fai posibles e xunta arredor delas a mozos e mozas para falar de libros, de lectura, de historias, de cultura... mentres contribúe á formación dunha sociedade lectora.

Os clubs de lectura, a toda máquina

No curso 2007/2008 funcionaron en Galicia 104 clubs de lectura en centros de ensino secundario, ademais doutros clubs en colexios de primaria. Unha vez resolta a convocatoria de clubs de lectura correspondente ao curso 2008/2009, un total de 149 clubs de lectura reciben asignación da Consellería de Educación para o seu desenvolvemento. Prácticamente, en máis da metade dos centros de ensino secundario de Galicia está a funcionar un grupo de lectura, en tempo non lectivo, coa participación de alumnado, profesorado, e, en ocasións, pais, nais e persoal non docente.

En Ler en mancomún pódese acceder aos blogues dalgúns destes clubs de lectura. O máis recente, As Campaíñas, do CPI Aurelio M. Rey García, de Cuntis.