A importancia das bibliotecas escolares para o fomento da lectura

No Congreso Iberoamericano de Lingua e Literatura Infantil e Xuvenil (CILELIJ) promovido pola Fundación SM, puidemos disfrutar da conversa de Constanza Mekis con Pepe Trivez. Valiosas reflexións  sobre o papel e tratamento da lectura nas nosas bibliotecas e escolas.

Durante a conversa, Constanza convida a recuperar e revisar o documento "4 Retos para  a Biblioteca Escolar 2020" . Este texto foi o resultado dunha xornada de traballo que reuniu a persoas do ámbito bibliotecario xeral e escolar xunto cos representantes das CCAA presentes na Comisión Técnica de Bibliotecas escolares e do Ministerio.

Biblioteca Inclusiva: Audiolibros no CEIP Emilia Pardo Bazán

O alumnado de 3º e 6º de EP traballou na creación de "Contos para Javi: material adaptado", cinco pequenos relatos para un compañeiro con neae. Tomando como centro de interese a súa familia, escribiron e deseñaron os relatos aos que a familia de Javi puxo a voz. No blog da biblioteca pódese seguir todo o proceso.

Unha marabillosa experiencia de traballo colaborativo en prol da inclusión dun compañeiro e de a biblioteca escolar debe ter recursos para achegar a lectura a todo o alumnado.

Audiolibros na biblioteca

 

Voluntari@s de lectura do CEIP P. Virxe do Carme formándose con Paola Guimerans

O CEIP P. Virxe do Carme de Sober (Lugo) foi seleccionado pola calidade das súas actividades, xunto con outros nove centros participantes na acción Voluntariado de lectura-A, dentro do programa BIBLIOTECAS ESCOLARES SOLIDARIAS ,  da Consellería de Educación, Universidade e Formación Profesional para o ano 2018/2019. Este centro elixíu, entre a oferta dispoñible, disfrutar dun obradoiro coa experta en e-téxtiles aplicados ao mundo da educación Paola Guimerans. No blog da súa biblioteca pódese ver o traballo no que os voluntarios e voluntarias deseñaron, coseron, crearon o seu circuito... e escribiron unha historia para o boneco creado. Parabéns!

O blogue de Lectuvín

Voluntari@s de lectura do CEIP P. A Pedra formándose con Charo Pita

O CEIP P. A Pedra de Bueu (Pontevedra) foi seleccionado pola calidade das súas actividades, xunto con outros nove centros participantes na acción Voluntariado de lectura-A, dentro do programa BIBLIOTECAS ESCOLARES SOLIDARIAS ,  da Consellería de Educación, Universidade e Formación Profesional para o ano 2018/2019. Este centro elixíu, entre a oferta dispoñible, disfrutar dun obradoiro  coa actriz, narradora oral, escritora... Charo Pita. No blog da súa biblioteca pódese ver o traballo no que os voluntarios e voluntarias tiveron ocasión de mellorar os seus recursos para a LECTURA EXPRESIVA e a NARRACIÓN ORAL. Parabéns!

BIBLIOCASTELO A PEDRA

 

Radio Balea, desde o CEIP Milladoiro, de Malpica, e o poeta Antonio García Teijeiro

RADIO BALEA, a emisora de radio do CEIP Milladoiro, de Malpica, un dos 20 centros integrados no programa RADIO NA BIBLIO, que comezou a andar neste curso 2017/2018, está xa a pleno rendimento. Un dos exemplos é esta entrevista ao poeta ANTONIO GARCÍA TEIJEIRO que visitou a biblioteca e mantivo unha conversa cos nenos e as nenas. Excelente documento sonoro que fala do bo facer do profesorado no seu traballo a favor da formación en medios de comunicación do alumnado, pero tamén da xenerosidade de Antonio, poeta, mestre e gran coñecedor do mundo da lectura e das bibliotecas escolares. E sobre todo, fala das habilidades comunicativas deste alumnado que ten, na súa biblioteca, un recurso poderoso para unha formación acorde ás súas necesidades como cidadáns que son do século XXI.

Pódense escoitar outras producións sonoras nesta ligazón: https://www.ivoox.com/podcast-radio-balea-2017-2018_sq_f1553640_1.html

Voluntariado na biblioteca escolar (Secundaria)

Así de alegres posan cos seus diplomas com voluntarios/as na biblioteca escolar o grupo de colaboradores da biblioteca do IES Vilalonga, de Sanxenxo. Tamén en secundaria hai rapaces e rapazas dispostos a colaborar e a dedicar parte do seu tempo en beneficio do ben común que é unha biblioteca escolar dun instituto. No blogue da biblioteca podemos comprobar que traballaron moito e traballaron ben. O IES Vilalonga é un dos 71 centros inscritos nesta acción do programa BIBLIOTECAS ESCOLARES SOLIDARIAS durante o curso 2016/2017. Recibiron diploma/certificado de horas de voluntariado un total de 803 alumnos e alumnas de ensino secundario, bacharelato, formación profesional, ensinanzas de idiomas ou conservatorios. Esta programa é unha colaboración entre a Consellería de Educación (CCEOU), a través da Dirección Xeral de Centros e RRHH e a Consellería de Política Social (Dirección Xeral de Xuventude, Participación e Voluntariado).

Voluntari@s de lectura do CEIP Ramón Falcón formándose con Charo Pita

O CEIP Ramón Falcón, de Castro de Rei (Lugo), foi seleccionado pola calidade das súas actividades, xunto con outros sete centros participantes na acción Voluntariado de lectura-A, dentro do programa BIBLIOTECAS ESCOLARES SOLIDARIAS, da Consellería de Cultura, Educación e O.U. para o ano 2016/2017.  Este centro elixiu, entre a oferta dispoñible, disfrutar de dous obradoiros coa actriz, narradora oral, escritora... Charo Pita. Velaquí a crónica desta mañá de traballo no que os voluntarios e voluntarias tiveron ocasión de mellorar os seus recursos para a LECTURA EXPRESIVA e para a NARRACIÓN ORAL. Parabéns!

 +información, no blogue da biblioteca, a Falconteca

Algo pasa en Guitiriz

IES Poeta Díaz Castro (Guitiriz, Lugo): un instituto de ensino secundario, un obradoiro audiovisual, unha biblioteca, lectoras, lectores, un centro que le, un centro que aprende, un centro con vida, con sentido do humor, unha biblioteca activa... Parabéns!!

Lectura e alfabetización mediática

Desde a biblioteca do CEE Terral de Ferrol chéganos este traballo realizado polo alumnado do Programa de FP Básica de Xardinería e Restauración, a partir da lectura dun texto de Sechu Sende, "Curtametraxe". Literatura e alfabetización mediática únense neste produto audiovisual polo que cómpre parabenizar ao alumnado e ao profesorado responsable. No blogue do centro pódese ver o proceso de elaboración da curta e toda a información.

Que fan @s voluntari@s na biblioteca escolar?

Velaquí un exemplo desde o CEIP Amor Ruibal, de Barro (Pontevedra): neste vídeo resúmese a actividade do alumnado voluntario durante o mes de outubro do pasado ano. Unha visita ao blogue desta biblioteca permítenos coñecer moitas outras actividades.

Resolución da convocatoria de Clubs de lectura para o curso 2016/2017

O Portal Educativo vén de publicar a Resolución da Dirección Xeral de Centros e Recursos Humanos pola que se asignan as contías destinadas ao funcionamento de clubs de lectura en centros públicos de ensino secundario de titularidade da Consellería.

Neste curso 2016/2017 recibirán axuda un total de 243 centros que poñen en marcha un club de lectura con un ou varios grupos de lectores e lectoras de ESO, bacharelato, formación profesional ou ensinanzas de réxime especial.

Na imaxe, alumnado do Club de Lectura do IES San Mamede, de Maceda (Ourense). 

• PUBLICACIÓN DA RESOLUCIÓN NO PORTAL EDUCATIVO
• TEXTO DA RESOLUCIÓN

Ler é soñar

Desde o CEIP Milladoiro, de Malpica de Bergantiños, chéganos esta felicitación de Nadal baixo o título: LER É SOÑAR. 

E que bén o pasaron!!

Os libros son para valentes! EEI Barrionovo (Arteixo)

 

Pois as nenas e os nenos da EEI Barrionovo (Arteixo, A Coruña) non teñen medo ningún. Abren os libros e enfróntanse a mil e un perigos... pero sobre todo, sobre todo, pásano moi ben. 

Fermoso vídeo creado a partir do texto de Pedro Feijoo para este DÍA MUNDIAL DO LIBRO 

Falar da morte a través dos libros

A partir da solicitude de recursos para falar da morte aos nenos e nenas do CEIP Nicolás del Río, o profesorado das bibliotecas escolares (CEIP Milladoiro, CEIP de Leirado, CEIP Fernández Latorre, CEIP do Rocío, CEIP Os Casais e CPI San Vicente) achegou unha serie de títulos que recollemos e acrecentamos no seguinte listado (ordenado por orde alfabética de autor/a). É unha lista aberta a novas incorporacións.

PRIMEIROS LECTORES (0-8 ANOS)

O último canto. Albo, Pablo / Díez, Miguel Ángel. OQO, 2009.

O boneco. Alzéal, Michel .Faktoría K, 2008.

El ángel del abuelo . Bauer, Jutta. Lóguez , 2007.

Más allá del gran río. Beuscher, Armin/ Haas, Cornelia.Editorial Juventud, 2004.

¿Qué viene después de mil? Bley, Anette.Takatuka, 2009

Como todo lo que nace. Brami, Elisabeth/ Schamp, Tom. Kókinos, 2000.

Un poema en la barriga.Canal, Eulália/Wensel, Ulises.Oxford University Press, 2011

A miña amiga invisible. Canals, Mireia / Aguilar, Sandra. Baía Edicións, 2014.

O estanque dos parrulos pobres. Casalderrey, Fina . Edebé-Rodeira, 2000.

Aún te quedan ratones por cazar. Catalán, Laura / Álvarez, Blanca. Anaya, 2012

Estirar la pata o cómo envejecemos.Cole, Babette. Destino. 1996

¿Dónde está el abuelo? Cortina Selva, Mar. Editorial Tandem, 2005.

La estrella de Lea. Dubois, Claude K / Gilson, Patrick. SM D.L. 2008

Julia tiene una estrella.Eduard José / Valentí Gubianas.. Editorial La Galera, 2006.

Amora. Garabana, Anxos / Villán, Óscar. Kalandraka . 2003.

A avoa e mais eu. Graber, Nell / Nagel & Kimche / Bröger, Achim. Galaxia,1990.

Una casa para el abuelo. Grassa Toro/ Ferrer, Isidro .Libros del Zorro Rojo. Barcelona, 2014.

¿Dónde está güelita Queta? .Gutiérrez, Nahir / Omist, Álex .Editorial Destino, 2010.

Yo siempre te querré.Hans, Wilhelm. Editorial Juventud, 1989.

El señor Muerte en una avellana. Hess, Paul / Maddern, Eric. Blume, 2007.

Tico y Manuela. Iglesias, Beatriz / Olariaga, Javier. Sieteleguas D.L. 2007

El corazón y la botella. Jeffers, Oliver . Editorial Fondo de Cultura Económica, 2010.

Gajos de naranja. Legendre, Françoise/ Fortier, Natali. Editorial Tandem, 2005. Para onde imos cando desaparecemos?Minhós, Isabel/Matoso, Madalena. Xerais, 2016.

¿Quién come a quién? Mizielinska, Aleksandra. Libros del Zorro Rojo, 2014

A avoa Encarna fai niño. Neira Cruz, Xosé Antón. Everest, 2009.

Mi miel, mi dulzura .Nouhen, Élodie / Piquemal, Michel. Edelvives ,2011.

D de despedida. Onyefulu, Ifeoma. Intermón Oxfam, 2001.

María no se olvidará. Peris, Carme / Rius, Roser. SM ,2005.

Así era mi abuelito Prats, Joan de Deu/ Roldán,Gustavo. Parramon Parenting, 2005.

Non é fácil, pequeno esquío. Ramón, Elisa /Osuna, Rosa. Kalandraka,2004.

A avoa do nobelo branco . Sabaite, Kristina / López-Barxas, Paco.Baía edicións .2009

Claudia e o touro. Sanz, Ignacio / Fortes Torres, Antom / Cabassa, Mariona.Kalandraka, 2003.

¿Cómo es posible? Schössow, Peter. Lóguez, 2006.

Cuando la muerte vino a nuestra casa. Schubiger, Jürg/ Rotraut Susanne Berner. Lóguez, 2013

El árbol de los recuerdos .Teckentrup, Britta. Nube Ocho e Pepa Montano editora, 2015.

Mi padre. Toon Tellegen / Rotraut Susanne Berner.Editorial Siruela, 1995.

O meu avó Carmelo. Torrent, Dani. Kalandraka, 2011.

Regaliz. Van Ommen, Sylvia. Kókinos, 2005.

A Folla seca. Vázquez Pintor, Xosé / Sánchez Lires, María. Sotelo Blanco, 2002.

Sapo y la canción del mirlo. Velthuijs, Max . Ekaré, 2012. A caricia da bolboreta. Voltz, Christian.Kalandraka, 2008.

LECTORES AUTÓNOMOS (9-11 ANOS)

Inés azul. Albo, Pablo / Auladell, Pablo. Editorial Thule, 2009.

O corazón do xastre. Arnal, Txabi/Varela, Cecilia.Editorial OQO, 2009.

Caixa de cartón.Arnal, Txabi/ Amekan, Hassan.Editorial OQO 2010.

Jack e a morte. Bowley, Tim / Pudalov Natalie.Editorial OQO, 2012.

Tras la pista del abuelo. Gómez Cerdá, Alfredo /Michelena, Jokin. Alfaguara infantil y Juvenil, 2006.

Mi abuelo era un cerezo. Nanetti, Angela / Argul, Javier.Editorial SM, 2001.

Mimi. Newman, John.Editorial Siruela, 2013.

¿Sabes silbar, Joahanna? Stark, Ulf. Editorial SM , 2004.

El cielo de Anna. Stian Hole. Editorial Kókinos, 2013.

LECTORES EXPERTOS(12-14 ANOS)

En el corazón del bosque.Boyne, John. Editorial Salamandra, 2012. Escarlatina, a cociñeira defunta. Costas, Ledicia. Xerais, 2014.

El otro lado de la vida. Dumas,Philippe . Editorial Aliorna, 1987.

El pato y la muerte.Erlbruch, Wolf. Barbara Fiore Editora, 2010.

XUVENIL(+ DE 15 ANOS)

Mi hermana que vive sobre la repisa de la chimenea.Pitcher, Annabel. Editorial Punto de lectura, 2011. Ás veces quero morrer coa risa. Schlieper, Birgits. Galaxia, 2013.

MEDIADORES

Enséñame a decir adiós. Vicente Colomina, Aida de . Grupo Gesfomedia, 2009

ENLACES DE INTERESE

• GUÍA DO DÓ INFANTIL

• APROXIMACIÓN A LA MUERTE EN LA LITERATURA INFANTIL Y JUVENIL

O refraneiro de Cervo a Viveiro

Desde o CEIP de Cervo informánnos que esta semana teremos en Viveiro a exposición de traballos dos centros da Microrrede de BE de A Mariña.

O tema deste curso foron os refráns. As familias elixiron un refrán e fixeron un traballo plástico sobre el. Estiveron expostos  nos centros e agora toca mostralos todos xuntos en Viveiro.

A inauguración da exposición será o martes e durante toda a semana haberá diversas actuacións dos colexios e institutos participantes. Estará aberta dende o martes 12 ata o venres 15, en horario de seis a oito da tarde.

Un bo motivo para pasarse por Viveiro!

A continuación queda o enlace ao blog do CEIP de Cervo onde se poden ver este traballo sobre os refráns.

http://bibliocervo.blogspot.com.es/2015/05/o-refraneiro-de-cervo-viveiro.html

Cartel biblio from maria

Curiconsellos lectores desde Ponte Caldelas

Desde o CEIP Manuel Cordo Boullosa, de Ponte Caldelas, chéganos este pequeno vídeo gravado polo alumnado colaborador da biblioteca escolar, con recomendacións lectoras de nenas e nenos do centro. A actividade da biblioteca con este pequeno vídeo vai máis aló e resulta unha práctica ben interesante de integración da cultura impresa e a cultura dixital. Así nolo explica o responsable desta biblioteca:  

No noso centro, de cara á semana do libro, propuxémoslles aos/ás colaboradores/as que gravaran ao alumnado que quixera participar, recomendando os libros que máis lles gustaron da nosa biblioteca. Subimos os vídeos ao blog da biblioteca e creamos uns códigos QR que pegamos nos libros recomendados, de xeito que cando alguén os leve a casa poida enlazar co vídeo dende un smartphone ou dende unha tablet.

Toda a información AQUÍ 

Día Mundial do Libro 2015

Día do Libro 2015 from bibliototem on Vimeo.

Unha das moitas actividades organizadas desde as bibliotecas escolares dos centros públicos galegos por mor do Día Mundial do Libro 2015. Neste vídeo podemos ver a Viaxe ao centro dos libros, organizada no IES A Xunqueira II de Pontevedra. 

MÁIS ACTIVIDADES NAS BIBLIOTECAS ESCOLARES DE GALICIA

Un vídeo promocional... con moitas sorpresas

Desde o CEIP Nicolás del Río, de Cedeira, achégannos este vídeo promocional da IV Feira dos Libros, que andan a preparar. Interesante proposta na que colaboran as nenas e os nenos voluntarios na biblioteca e xentes de Cedeira. O vídeo garda moitas sorpresas e demostra que cando a escola sae á medio enriquécese e amplía as súas posibilidades. Parabéns!

Guía de lecturas sobre a Antártida. IES As Mariñas

No IES As Mariñas, de Betanzos, andan embarcados nun proxecto interdisciplinar sobre a Antártida. Ademais das exposicións (como a da imaxe) e as presentacións dos traballos que van realizando aos poucos os alumnos e alumnas, desde a biblioteca elaboraron esta guía de lectura: A ANTÁRTIDA, que pode resultar de interese para quen queira adentrarse nas expedicións históricas para "conquistar" este continente. A guía recolle libros e películas sobre expedicións a outros lugares do mundo, e sobre a vida nestes espazos singulares (e, segúndo os científicos, en grave perigo por mor do cambio climático e os conflictos por facerse coas materias primas), que son o Ártico e o Antártico.

Un xardín poético no CEIP Pepe de Xan Baña

Para celebrar o Día da Poesía, o 21 de marzo, no CEIP Pepe de Xan Baña (Santa Comba), crearon este Xardín Poético no que as nenas e os nenos dan voz aos poemas, nunha "intervención" festiva, luminosa e alegre. Lembran tamén que o nome do centro é nome de poeta.